又發作

踏入九月，前前後後睇咗五次醫生，咳到死吓死吓，絛氣唔順，食咗啲氣管藥，又手振到不得了，日頭就呆滯，夜晚就曠奮瞓唔着，攪到啲情緒又差了！

其實而家我都少了很多焦慮，一切控制唔到嘅事，已經交託給主安排，但最難攪嘅反而係脾氣，好多時我都控制唔到自己，對住老公、阿女發脾氣，每次發完後又好後悔，如是者啲情緒不斷喺呢啲位度陪迴，加上藥物嘅影響，心情就更差！

我唔知可以做啲咩，令自己去返平穩嘅狀況！

 

公公生日飯@Cafe Kool

提早一星期跟公公慶祝生日，琴日趁假期去 Cafe Kool 食 lunch buffet。

頭盤

甜品

可惜我咳到飛起，食唔到O甘美味嘅雪禚

食完 buffet，就去咗 K11行吓，影吓相。

與大少奶@Dan Ryan

今日約咗一位好特別嘅人食 LUNCH，佢就係大少奶，第一次約 BLOG 友見面，懷着緊張嘅心情赴約。

約好 12:30 pm 喺 Dan Ryan 門口等。

我地今日嘅午餐，我同大少奶都一樣，叫咗沙律同燒雞。

不過，我地志不在食，我地傾咗好多，雖然係第一次見面，但感覺很親切，好似識咗好耐，我地講咗好多好深入嘅事，完全唔似係第一次見面。

大少奶分享咗一啲佢自己嘅事，令我好感動，面對一個陌生人，佢都可以O甘真心去講，佢嘅經歷，令我明白到，其實人人以為佢係大少奶唔洗做，過着啲少奶奶生活，其實佢都付出咗好多，以前經歷了很多，今日佢所擁有嘅，其實都係佢自己努力嘅成果，所以，睇嘢唔可以只睇表面。

我地亦都分享了信仰上嘅問題，今次係我第一次同人，分享信仰呢個問題，大少奶比我嘅感覺好舒服，佢唔會好 pushing，令我好樂意講出我嘅感受，佢仲送咗本書比我添！

除咗傾啲正經嘢外，大少奶真係幾可愛，尤其佢話佢唔搭地鐵嘅原因，真係好好笑，因為O甘，我地傾呀傾，餐 LUNCH 食到三點半都唔願走，雖然已經講咗成三個鐘，但都好似唔夠喉O甘！希望我地好快又再約出來啦！

臨走，梗係唔放過呢個機會，要大少奶幫我喺佢幾本書上簽名啦！

大少奶，好高興認識你！ 

LE CREUSET again

繼上星期排了五個鐘後，琴日我又去咗LE CREUSET 喺中環嘅專門店。

曄！同開倉嘅情況差很遠，一個客都無，原來細煲和細鑊個折同開倉一樣，所以我都買埋呢個鑊 - $588，超抵！

紅洒炆牛肋絛

買咗個 LE CREUSET 煲返來，心思思想試吓，今晚就整咗呢個紅洒炆牛肋絛。

嗰 LE CREUSET 煲真係好好，唔會黏底，傳熱快，非常好用！

LE CREUSET 開倉

等咗大半年，終於等到LE CREUSET 開倉。

一早約咗Eva 去銅鑼灣食早餐，差不多十點去到洒店門口，已經鬼o甘多人喺到排隊。

排咗半個鐘放入洒店內，以為都係等一陣，點知...... 人頭湧湧，打哂蛇餅，

旺過旺角！最後，排咗三個鐘先入到去，

入面一片混亂，完全無 system，揀貨揀咗九個字，點知排隊比錢又排咗個幾鐘，最後total 用咗五個鐘先出返來！

好在都買到個想要嘅煲，雖然唔係最鍾意嘅紫色，差唔多四折架，o甘都抵番！

買唔到紫色煲，都要買幾隻紫色碗補數！