恭喜發財

忙、忙、忙，終於都可以停下來，呢篇 blog出嘅時候，應該喺機場，等上機去韓國，未試過年初一出發外遊，更是第一次喺機場倒數，加上今次一行九人，實在難忘，好喇！忙咗咁多日，都要休息吓，之後五日，玩盡佢！ 喺度祝大家喺龍年，心想事成，萬事如意，身體健康，恭喜發財！

忙上加忙

作為一個家庭主婦，一年最忙嘅時間，就是農曆新年前嘅日子，今年新年喺一月，剛剛過了聖誕，又話要過年，兩姊妹上星期仲緊考試，下星期日已經年廿九團年，大掃除、整甲、做 facial ，蒸糕，樣樣都未做，不過今年唔喺香港過年，好多嘢都冇做咁足，簡單咗，阿女都冇買新衫，留番喺韓國先買。但由於上星期先俾旅行社通知，我地由初四，變了初一提前出發，正確來說，年廿九晚十一點要集合，突如其來，好多事都要重新安排，真係忙上加忙！

焦糖蘋果杯

好少整甜品嘅我，但呢個甜品，我又幾鍾意整，一來容易，二來又好有聖誕氣氛，所以聖誕期間都整了！其實都整了幾次，但次次整完都忙著吃，又唔記得影相，今日趁仲有少少材料，就整多次影相，可惜影得唔多靚！

 
材料：
青蘋果 3- 4個
牛油     45 g
白沙糖 60g
Oreo    幾筒
檸檬汁    少許

做法：
1 先將青蘋果切粒，將Oreo 取去中間嘅 cream ，然後壓碎備用
2 煮溶牛油和沙糖，用中火慢煮，煮到金黃色
3 落蘋果，慢煮致蘋果淋身，加檸檬汁，熄火
4 在杯底放碎了嘅Oero ，面淋上熱蘋果粒即成。

寒冬

今日終於感覺到寒冬嘅來臨，天文台真係好得意，之前話今年會比上年更凍，結果十二月嘅氣溫又不是十分凍，前兩日，天文台話今次冷風應該唔會低過十度，但到了今朝，又低過十度喎！今晚仲落微雨，寒寒凍凍，我最鍾意（有啲變態）呢啲天氣，好有 feel ，不過咁凍，就嘜到唔想做，好懶洋洋咁！

天與地

琴晚看完了一套非常好嘅電視劇，唔明點解言之有物，好比心機拍嘅一部電視劇，居然收視其低，比班 C 9 插到飛起，其實我都係 C 9 ，套戲根本唔係咁難明啫，只係比平時睇開嘅戲，要專心同用心去睇。

點解我咁鍾意呢套戲，唔係話我扮清高、扮有深度，而係我真係好欣賞，呢套劇無論故事、鋪排、對白，都係經過細心安排，一字一句都有意思，其他嘅電視劇，唔係抄台劇、韓劇，就是千篇一律嘅結局！ 我喜愛個 ending, 好夾隻歌，如果....... 命運能選擇，當阿 Yan 嘅另一個選擇出現，五個人嘅命運都改寫了！

無可否認，睇呢套戲係令人有啲 sad 嘅感覺，套戲好重，但佢的確帶咗一啲 message 比我地反思！套戲做完喇！真係有啲唔捨得，有啲失落！

年少無知

電視劇【天與地】片尾曲

主唱：林保怡．陳豪．黃德斌
作曲：黃貫中
填詞：林若寧
編曲：黃貫中．劉志遠
監製：黃貫中

林：年少多好　頑劣多好
不甘安於封建制度裡迷信上街真理會達到
旗幟高舉　群眾聲討
不惜犧牲一切去上訴權貴的想法太俗套
只可惜生活是一堆挫折　只可惜生命是必須妥協

陳：年少多好　貧困多好
一蚊積蓄足以快樂到廉價結他抒發我暴躁
財富得到　年歲不保
捐輸不必講究有回報人世間總會有異數
只可惜生活是一聲發洩只可惜生命是一聲抱歉怕追討

合：如果命運能選擇十字街口你我踏出的每步更瀟灑
如果活著能坦白舊日所相信價值不必接受時代的糟蹋

黃：年少多好　朋友多好
一番爭執不會有被告遊戲競爭不會記入腦
年歲增長　無法修補
青春的詩總會老　時間多恐怖

合：如果命運能選擇十字街口你我踏出的每步無用困惑
如果活著能坦白舊日所相信價值今天發現還未老
如果命運能演習現實中不致接納一生每步殘酷抉擇
留守過去的想法我會否好像這樣生於世上無目的鞭撻