升中生涯分享 - backup

其實，香港既教育制度，真係令家長和學生，好痛苦呀！

升中派位成不成功，除了學業成績，仲要靠策略和運氣，咁當然成績係第一重要啦!

先講成績，三次呈分試絕對好緊要，不過，人往往在壓力下，會影響結果，像我兩位女兒，在第一次呈分試，都考得比較差，但唔緊要，千萬不要灰心，因為第一次呈分分試，在五年級下學期，考得差，可以用暑假打好個底，迎接六年級既來臨，像我細女在第一次呈分試，數學考得很差，於是嗰年暑假，我買了好多數學練習，比佢重溫之前一至五年級，學過既已有知識，打好基礎，到九月六年級開始，每天 keep 住做一個練習，但又不需太多份，因六年級學校也很多功課，只需要持續溫習就可，結果，妹妹在第二次數學呈分試，差一分滿分，成績十分好！
六年級上學期，第二次呈分試，往往勁爭最大，因為通常這個試出成績時，就是去考直資、官、津校自行分配階段，要攞住成績去面試，個個學生都出盡力，所以不要考試前一兩星期才溫習，要早些準備，因為大部份考試會在十二月頭舉行，所以一開學不久就要準備！

第三次呈分試通常在三月舉行，這次考試大部分人都比較放鬆，因有些考直資學校既同學，已得到 offer , 所以這次考試，對佢地來說，冇咩影響，因此會放鬆一點，所以上兩次考得不好既同學，就要把握今次機會追返！

大抽獎階段，是先按成績高底，分三種學生， brand 1,2,3, 通常一間小學會將人數除三，例如全校有150人，咁考全級頭 1-50 是 brand 1 生，51-100 是 brand 2, 101-150 是 brand 3 ，學校考了最後一次呈分試，會比個平均全級名次家長，咁就大約知道小朋友在 brand 幾，不過，這 brand 也不十分準確，還要看讀緊那間小學出唔出名、位於那區，即係如果你小朋友，在一間在區內好出名既小學，佢考全級五十幾（屬 brand 2 )，但佢可能好過，在同區一間普通小學，考二、三十嗰個，所以要睇埋間小學。

另外，如果家長最後想轉地區抽獎，必需了解自己小學位於那一區，如果位於名校網，如中西區、九龍城區，小朋友在區內又考得唔錯，轉去其他區會有著數，但如果小學位於新界區，就算在區內成績不錯，轉去名校網，就不太好，此終那邊勁爭好大！

策略方面，在第一輪自行分配階段，其實可以進取些，考自己心儀既學校。不過有一點要提大家，這部份要填兩間中學，請記住填真心喜愛的，不要填一間穩陣，作保險，因為如果呢度收咗，就輪唔到大抽獎喇！所以如果只得一間心儀既，就填一間吧！而到了大抽獎那輪，都分兩輪：甲、乙部，甲部可選全港三間中學，不限地區，鼓勵家長在這部份進取些，雖然係同全港勁爭，好渺茫，但我又真係見有人喺度中了一間超名校，他在自行和大抽獎都冇填，所以他是靠運氣抽到！

至於乙部，就要好小心填，基本上大部成敗，都決定在這裡。如果小學有聯繫中學，強力鼓勵大家填在乙1，因為這樣才可嚮有這優勢，如果填在二、三位，就冇用了，如果冇，乙一，仍可進取少少，填心儀中學，但二、三位就要保險些喇！但要先了解，有些學校填在二、三位是沒有可能派入既，就不要填，免浪費了一個位，有些地區幾間中學如A、B、C校都差不多，就不要1A、2B、3C 咁填，要A 做第一位，就不要填B 或C，在第二、三位，因幾間受歡迎程度差不多，去到第二位可能冇位！

之前也分享過，要了解多間學校既資料，除上綱 check 之外，最好親身去看，通常十月、十一月，有好多中學舉行簡介會，所以要多多參與！

至於最後，要講叩門，我之前也講過，其實叩門真係好難，不過我也明白，做家長既心情，不到黃河心不死，唔試過唔心息，但切忌貪心，明明派到第一志願，仲要去挑戰更好既，結果辛苦自己，撲過空！不如派到第一志願，去慶祝好了！

好慶幸自己，終於完成哂兩個女升中派位，未來既路，就靠佢地自己喇！

這些少少分享，希望幫到大家啦！