重聚

真係冇諗過咁快可以搵到，咁快可以見面，太開心，太興奮了！

兩三星期前，才話啲起心肝在fb找，結果，努力不負眾望，暫時找到兩個，而其中一個更住在英國，但真的很美妙，我聯絡到她當天，佢話佢果晚就準備回港一星期，太好了！無論如何，都要安排一次見面！

結果，我們前晚立即相約出來，雖然，不算齊人，但當晚有四個可出席，已經好難得，以往我們很少平日聚會呢！為了呢兩位失散多年好友，當然破例啦！

其實，搵番當日，我們在 whataap 開了個 group ，已傾過不停，見到面更加不得了，掛住傾計多過食，又講近況，又講以前啲中學生活事情，又看舊照，真係好快就兩個鐘，因大家明天都要上班，所以，就算未傾夠，又要走呢！

期望好快再有下次見面機會，英國果位是空姐，每兩、三個月也會回來，所以，仍有很多機會，有番聯絡方法就得了！

雖然咁多年冇見，但一見又十分親切，一啲都不陌生！其實，呢兩個以前是很熟的，不明為何會斷了聯絡！

其實，我到而家都不太相信，我可找得回冇聯絡多年既同學，而且仲立即見到面，我深深感覺到是神既指意，多謝衪的安排，感謝主！

希望繼續搵到其他同學，下次攪個大型reunion, 更齊人呢！