突如來臨的甲流

今日係復活節假期最後一天，病了成個星期，今日終於叫做精神好番好多了！

上上個星期六，喺伊中做完義工後，夜晚開始咳，初時以為又係轉天氣既咳，星期日朝早開始發病，不斷咳，忽冷忽熱，成個人散唒，原來是發燒，即刻去看醫生，食藥瞓都不但沒有令病情減輕，星期一更加一路發燒，成個人都好辛苦，夜晚再去看多次醫生，結果在診所做了流感測試，唉！原來中了甲型流感，唔怪得咁辛苦啦！

為了不傅染佢地，我張自己隔離在房，查生要瞓幾日廳，可惜，佢地個個最後都病唒，好彩不是流感，普通感冒吧！

整個星期，我每天都係瞓、食、瞓，個人累到不得了，食特敏福又令個胃不適，整個人沒有精神，成個復活節假期既活動，除了去澳門拜山，其他全部取消了，一家人幾天都呆在家裡！

而家天氣咁反常，啲菌又咁勁，真係好多人病！大家真係防不勝防！