夏日消暑食品 - 七彩啫哩糖

啫哩糖，我成日整，但咁整法，第一次。

其實做法非常簡單，只需要少少耐性！

夏天見到咁靚既啫哩糖。未食都消暑了！

材料：啫哩粉（多種口味，要不同顏色），魚膠粉，白沙糖

做法：

1 將一盒啫哩粉，一匙半魚膠粉，五匙白沙糖，加入330ml熱水開溶，放涼，放進玻璃盆或膠盒，放雪櫃，最少雪一個鐘，等啫哩切底凝固，先可放第二層

2 重覆 step 1, 放涼，再淋在第一層面，再雪

3 如是者一層一層，一定要有耐性，等一層凝固先可淋新的一層

切得不好或剩底旁邊的可切碎，放在啫哩杯吃，超美！