忌廉磨菇湯

今日終於試咗整法式忌廉湯，呢味係學法國菜第一堂學嘅，亦都係我覺得最複習嘅一味，所以我都無信心會煮得到，結果又幾 OK，濃度 just make ，阿女佢地都好滿意，我覺得個味欠少少，係因為啲磨菇麻麻地，唔夠靚，唔夠香，下次買隻好啲嘅磨菇，應該會更好。

今次試整，未有裝飾。

阿 Sir 煮嘅，好似差好遠啊！

其實阿 Sir 教煮田螺湯，而我就改良為磨菇湯。

材料:

磨菇、西芹、洋蔥、甘荀、魚、香葉 2 片 、黑胡椒、鮮奶、忌廉、牛油和麵粉

做法:

1  將魚，西芹、洋蔥 (留少許西芹、洋蔥備用)、甘荀，加香葉和黑胡椒，加水大火煮滾後，用慢火煮一個鐘。

2  煮麵撈(牛油加麵粉一起煮)，加入鮮奶用蛋拂打勻致糊狀，這是生麵撈。

3  將煲好嘅魚湯，隔渣，再煮滾，大火把生麵撈逐少加入，用蛋拂不停攪勻，再煮 30分鐘，做成白湯。

4  用牛油、紅葱頭將洋葱、西芹、加入磨菇炒香，淋上白蘭地洒，然後放入攪拌機，打至磨菇全碎，再放入白湯內，加糖、鹽，最後加入忌廉，轉大火煮滾即成。