小六生血淚史 - 第二次呈分試

聽日家姐就考第二次嘅呈分試，呢兩日都留喺屋企閉關温書。雖然我明白唔可以迫得家姐O甘緊，但佢有時慢吞吞嘅態度，真係令我好火！相對上一次嘅呈分試，今次我更加緊張，可能聽完啲中一簡介會，了解得愈多，就愈死！加上近期被某事煩着(雖然表面上，已經解決咗，但實際上仲要忍多幾個星期)，心情大受影響。而家我唯有不斷話比自己聽，咩都唔好理，過咗呢四日至算啦！

其實，原來幫人温書，仲難過自己温，唉！唯有盡力而為啦！