話O甘快今日就年初七，爸爸都開工喇！兩位小姐雖然仲放緊假，但一切又回復正常生活，呢個農曆新年假期，日日都有約，節目總算豐富。
先回顧新年前嘅團年飯先，
年廿六，一大班人食盤菜。
年廿七，同阿婆、阿公團年，食好味嘅蛋黄蟹。
飯後，仲行埋花市添！
年初一晚，梗係去婆婆家食飯啦！
啲聖子好好味呀！
年初二，去姨婆家拜年，幾個細路學打麻雀。
年初三，開始同啲朋友團拜。第一班打邊爐。
估唔到開套舊片來睇，大家都咁開心，新年真係要睇笑片！
好多謝大家嘅生日蛋糕呀！
年初四，Candy 契媽上來拜年，又係打邊爐。Candy 契媽帶咗啲益智遊戲上來玩，好過打機啦！
年初五，又團拜喇，今次出去食，去咗增輝，今次真係齊人，連大連細十八人，要分兩枱先得！
年初六，爸爸外出團拜，幾個姨姨又上咗來拜年，今次買外賣。
就係O甘，玩咗成個星期喇！
沒有留言:
張貼留言