六生血淚史 - 叩門 Day 2加註冊

今日一早又去迦密考筆試，其實家姐唔想叩迦密門，係我同查生一廂情願，最後我問佢，如果真係唔想去，就唔好去，但佢又話想去考吓！

筆試考中、英、數，因為太熱唔想行來行去，所以坐嚮出面等，好在同一個家長傾計，傾吓傾吓好快過三個鐘，十二點幾出來，老師話會再打電話面試，之後我話比家姐聽，QE 失敗了，咁佢會點選擇，結果，佢仍堅持就算迦密收都唔讀，寧願讀返旅港，既然係咁，今日就去註埋冊，聽日唔洗再走來走去！

放榜三日真係好累，今日終於決定了，個心唔洗再七上八落喇！