查家有女初長成

以前我覺得小朋友細過時，係最難攪，嬰孩時好困身，都小學時，又要為功課勞心勞力，但原來升上中學，開始踏入青少年期，先係最難處理嘅階段，處理得唔好，可能會影響好深遠！ 家姐升咗上中學，只係短短兩個幾月，但就已經有一定嘅改變。其實，每個人都年青過，佢面對緊嘅轉變，我自己都試過，只係當自己嘅角色係媽媽時，又會有點醋手不及，需要時間調節。可能因為自己年輕時，有過一些經歷，諗嘅嘢會多咗，反而影響了一些對家姐嘅看法，喺呢方面，我仍在摸索中，希望早日取得平衡！

大嘅很多事要放手，細嘅亦在不知不覺中長大，成日以為妹妹仲係好 B B，原來如今十歲小孩，已經開始反叛，比家姐嗰時更早！唔知是否拉女拉心肝，由細到大，我對阿妹都係放任啲，無對家姐咁嚴緊，所以妹妹比較霸道，唉！所以，我更加擔心妹妹升中後，會更加難攪！
 
朋友以為我啲女長大了，就羨慕我可以甩身，但其實而家呢個階段，才是最惱人呢！