妹妹的第一次呈分試

係！又係呈分試，今次到妹妹喇！呢幾年，兩個女輪住來考！之前家姐冇经驗，升中各樣都比較緊張，今次妹妹真係 hea 咗好多！不過殺到埋身，點都要有準備，上星期開始，晚晚開始同佢温習。四科( 中、英、數、常)之中，只有常識可以勁讀，所以只有勁谷呢科！

以前家姐五年級開始，已唔鍾意我同佢溫，唔鍾意我插手，反而妹妹仲好依賴，樣樣都想我幫佢準備，而且佢冇家姐咁識諗，就算下星期考試，佢都仲hea 住hea住咁！激死！

5 20 中学同学聚會

上星期日忙足一日，我班中学同学好比面，约了上我家聚会，試我整新菜式，難得見面而佢地又喜愛我煮野食，當然要一早凖備。 其實早幾天已諗好菜單，有兩個新菜式，係之前喺Rachel 度学，黑松露燒雞和西班牙海鲜飯，另外我預算整磨菇湯和三文魚凍批，個三文魚凍批我星期六已經預備了，点知星期日早上，發生了一些意外，個三文魚批要放棄，唉！要臨時諗多味補上，幸好屋企有罐蟹肉，就决定整蟹肉磨菇，因這味都需要些時間準備，所以當日啲時間比較趕，结果早上十一点就開始準備。 雖然忙足一天，加上有少少混亂，但當天很齊人，大家都食得很開心，辛苦些都值得的！

Rachel Yau Cooking class again - Apr 26,2012

最近呢兩個月好勤力学煮嘢食，學咗啲新菜式！

 

4月26日 又去了 Rachel 度學西餐。

青瓜乳酪凍湯 , 酸辣魷魚圈 , 茄汁西班牙辣肉腸 , 蒜蓉烤磨菇 , 西班牙海鮮飯, 肉桂杏仁雪糕

青瓜乳酪凍湯

呢個湯好易煮，只需將青瓜和所有材料攪爛，冷藏就可，原先我諗住接受唔到呢個湯，點之又OK喎！個湯好岩夏天飲，感覺好青新好健康！我會試煮呢個湯。

酸辣魷魚圈

魷魚太高胆固醇，所以應該唔會試。

茄汁西班牙辣肉腸

呢味易整 , 而且除了當小吃，還可做意粉醬，夠實用！

蒜蓉烤磨菇

呢味小吃最岩 party 食，易整！

西班牙海鮮飯

今次主要來学呢個西班牙海鮮飯 , 材料好多，但比想像中易整！

肉桂杏仁雪糕

自製雪糕，好味！

三人行

自從家姐升上中學後，我家既生活就起了一些变化，家姐功課多了，活動多了，很多時放假日子，都因要溫習，寧願留在家中，正因如此，近排，多了很多三人行既時間，爸爸、妹妹和我。

一直以來，家姐嘅行為和思想，都比較成熟，根據 IQ Test，佢嘅思想比同齡年紀大三至四年，即係佢而家嘅思想係十六、七歲，所以已經吾太鍾意跟我地去街喇！

相反，妹妹係一個思想正常嘅五年級小學生，仲有童真，加上佢係妹妹，一出世有家姐，好少時間和我地獨處，所以近排多了三人行嘅日子，佢都好開心！

 

啲女真係大得好快，我和爸爸都會很珍惜和妹妹一起三人行日嘅時光！

 

其實，妹妹真係一個吃、喝、玩樂嘅好伴，不過家姐嘅成熟，又真係令我地幾放心，兩姊妹各有各長處啦！