6月30日 ， TI 同學上來，主要食泰國菜式，剛學完泰菜，都想試吓煮！
Menu:
冬陰公
馬沙文咖哩牛肉
咖哩炒蟹
泰式燒雞
泰式金邊粉
芒果大中蝦沙律
柚子沙律 ( MoMo 負責)
還有外賣嘅义燒和泰式甜品，仲有朋友帶來嘅香檳、冰酒和白酒。其實早一曰，已經預早凖備了要用既醬汁，可惜仍然是有点忙得不可開交，整泰菜似乎仲難過整西餐，可能唔熟練，全部都第一次整，加上太大貪，整咁多樣嘢，所以有些吃力，最後得 MoMo 相助，幫我整埋個芒果大中蝦沙律！
兩個沙律整得好靚呀！Thank you MoMo!
呢日由早到晚，很累！不過嗰晚大家都食得很開心，很盡興，我都覺得很值得！
7月1日 ， 妹妹十一歲生日會，都有煮嘢，但就簡單啲，有冷烏冬、意大利炸雲吞和泰式鳳瓜，而其他食物，就由婆婆負責，幸好有婆婆幫手！
7月2日，朋友上來幫我裝部機，為答謝佢，煮了佢點名要嘅: 馬賽海鮮濃湯，加上當天是妹妹生日正日，佢話要食炒蟹和意大利飯，再蒸多條魚，又係豐富嘅一餐！
連續煮了三日，真係散哂！不過又好滿足呢！
沒有留言:
張貼留言