第一個 DIY蛋糕

早前既病，令我成個人都冇唒動力， blog 都冇寫，累積了好多未寫呀!



講返父親節，我第一次整蛋糕，一直我都冇咩興趣，整蛋糕和甜點，不過，之前見家姐家政考試，要整蛋糕，見又好似唔係好難，又有啲興趣，加上兩個女，好似好有興興趣整甜點，我就梗係要求其所好啦！

雖然，唔多靚，但總算成為我第一次整既父親節芒果忌廉蛋糕呢!

先整海棉蛋糕做底，我靠睇家姐家政 note 和上網學，不過第一底失敗了，變了蛋餅！

再接再厲，終於成功發起變蛋糕喇！

之後，由妹妹鋪忌廉和放芒果就完成。

其實，整蛋糕看似簡單，但真實是幾難，我煮西餐整嘢食，有時份量係憑感覺，但整蛋糕就不可，所有份量就要跟足喇！

近況 - back up

斷斷續續病了個多月，好多年未試過扁桃腺發炎發咁耐，睇了好多次醫生，食了好多西藥，攪到冇咩心機寫 blog 。

呢幾日終於好啲喇！希望唔好再返發啦！話說呢個多月來，發生了好幾件很奇怪既事，雖然不是什麼大事，但又真是幾奇，不過，我唔打算喺度講喇，但都希望不要再發生喇！

兩姊妹考完試，返學都是上活動，沒有太多功課，所以每天放學都較清閒，好像在預備放暑假般！

身體好些，就開始計劃下暑假既活動了!

小學畢業試 - 妹妹篇

時間過得好快，小學生涯最後一次又到，由於今次只係學校畢業試，唔會影響派位，又冇名次，所以我和妹妹，都是輕鬆面對。



不過，此終是考試，也要盡力的，其實，今次相信是我最後一次，和妹妹温書了，以後升上中學，就要靠佢自己喇！

十七年前的今天

十七年前既今天，請大家不要嚇親！今年心血來朝，搵返當年結婚當天既相。

嘩！我自己都嚇親！

如果當年有 blog 就好，可以記底整個結婚當日既經過，和一些之前準備事項，而家睇返實很有趣！



今年，查生放了一天假陪我，節目都是平凡而簡單，但是開心的。



中午，出去食壽司後，看了一場戲，跟住陪佢做裇衫，之後行下街，夜晚去了朋友介紹，一間隱蔽餐廳，TT Party, 因我們 book 了比較早，成餐飯差不多包場食，其實間餐廳真係比較偏僻，唔係朋友介紹，一定唔會搵到！

食物味道一般，不是想像中咁好，應該咁講，冇咩驚喜，除了個龍蝦湯，覺得好正，其他只是不過不失吧！

就咁又過了一天喇！感恩！

六月

踏入六月，天氣已經非常炎熱，真係冇咩必要都唔想出街！

每年六月，都覺得有種特別感覺，是悲亦是喜，0604 ，相信沒有一個中國人，可以忘記！八九年，中學畢業加上六四事件，呢一年對我人生來說是十分重要；而六月六日，對我來說，也是進入人生另一階段，重要的一個日子，所以，六月好像好有意義！

另外，自從兩位小姐讀小學後，六月又成為了考試月，一到呢啲日子，又會全家進入作戰狀態，閉關溫書。

祝福

今日送妹妹返藝術體操班，如常地到法國醫院樓下的星巴克坐，等她放學，收到一個中學朋友既 what app ,她在我們中學好友群組說，昨天剛做了手術，但今天已下床，沒什麼事，叫我們不用擔心，心裡想：她會不會也在法國呢？於是問她，她果然在這裡，我就跟她說，我也剛在此，我就上去探了她。



見到她精神也可以，原來她是做割除子宮手術，因她有很多瘤，令她經常肚痛，最後決定整個割除。唉！其實我呢個同學，自小也休弱多病，加上幾年前離了婚，又因當老師壓力大，患了情緒病，身體一直不太好！

記得我提過她？三年前，我當時情緒病反覆不定時，我講過一個中學同學，跟我分享信主後改變，那個人就是她，也因她同樣是患情緒病，但當時她已好番停藥，她說的一番話，令我有了得著，更令我相了主，我覺得她是主派來的小天使！



可惜，上年她情緒病再次復發，要再看醫生食藥。今日我和她傾談，我了解她的病源是她份工，但是為生活，沒法離開或轉行，我明白、了解她的難處，亦感受到她的無奈！

探完她後，我心裡有些難過，點解她受咁多苦呢！我好明白那種情緒既困擾，可惜她沒有得選擇，沒法離開令她至病既地方！



感恩！當天我還有選擇，離開了令我生病既地方，或許可能是逃避，但總好過沒完沒止的繼續下去！



現在，唯有祝福她！願主保守她，愛護她吧！