半島酒店大堂 Afternoon Tea

人生苦短，想做就做了，做人真係不需太執著，日子要做自己喜愛的事！

昨日，我和朋友去了半島 afternoon tea,其實，一直都想試下，所以，朋友一建議去，我就答應，上網看看，才知人們說一生人最少要食一次，咁誇張？

我大約2：00到，已見到有十幾個人排緊隊，這裡是不設訂位，下午茶時段是2：00- 6：00，原本以為是星期一，應該冇咁多人，我地排了半個鐘就有位。

這裡的afternoon tea 是傳統英式，酒店好多復古裝飾，充滿歐陸情懷，骨子裡透著英倫式貴氣，低調而又不奢華！

我要了大嶺茶，朋友要咖啡，都是無限供應，來這裡吹水幾個鐘，講到口乾，最岩！

食物質素，也不錯，唔知是否我倆細食，我地食哂啲三文治和每人一個 scone，已經好飽，甜點只吃了少少，最後打包甜點比我家兩位小姐吃。

輕輕鬆鬆在這裡傾下講下食下，好正！

埋單時送上半島酒店巧克力，完美的一頓下午茶。加埋一，$350一位，比平時出面 酒店high tea貴少少，但環境、食物和服務，絕對物有所值，值得一試！

打包的甜點，也 pack 得很靚！