回母校BBQ

上星期六（ 二月二十），回母校 BBQ, 有了上次打邊爐既經驗，今次早啲開始，大家都好準時三點番到。

今次我負責食物，大部份也是自家醃：有雞翼三味；蒜蓉、沙茶和普通味，雞全翼、韓式牛仔骨、日式燒汁牛仔骨、叉燒、煙肉蕃茄巻、冬蔭豬扒，蒜蓉豬扒、還有蝦、咖啡菇、金菇、秋葵、蕃薯、粟米、方包和油醋沙律

先排好啲食物，然後先去參觀下啲課室，上次不夠時間，週圍影相。

今天再見番三個之前失聯多年既同學仔，太䦕心了！直至現在A班群組已經有17人了！實在十分感恩！

雖然三點就回來，但週圍逛都攪到四點半先開始燒，燒到八點半執嘢，完來都不太夠時間呢！

真係想也沒想過在學校裡可燒烤，而且仲可以和一班中學同學一齊燒，太奇妙了！

仍然未齊人，不過唔緊要，我地會日後 keep住有聚會呢！