一早六點幾起身，去泳池游水，選呢間酒店就是貪有泳池，好少去台北可以游水。
自從中五那年暑假後，已經好耐冇一齊游水，好開心！
晨早游下水，個人都醒啲！
八點半去嘆buffet 早餐，果然係五星級酒店，食物不錯，雖然種類不多，但精緻！
傾下食下，坐到十點，我和同房同學又返去泳池 hea, 而另外兩位回房休息。
好正，hea 在池邊吹下風，又游下水，之後，又入室內浸下浴，呢度好正，冇人，我地兩個傾下心事最岩！
之後，兩位同學來join 我地，休息室又冇人，四個喺度玩自拍，好正！
玩到十二點，上房執好行李，就 check out, 去另一間酒店 check in
來不到的一位同學，幫我地訂了對面街的一間酒店，只需過馬路就到，非常貼心！
今次轉來間精品酒店，一來平啲，二來有廳是apartment feel，岩我地傾計！
取了房，放低行李，又出發了，去北投浸溫泉。
先在附近食過lunch, 求其入了一間西餐，又不錯喎！
食飽飽出發，撘捷運去新北投站轉 taxi, 在北投浸過幾次溫泉，但都係著泳衣，今次我地 book了私人房，只有我們四人，嘻嘻，可以沒什麼束縛了！哈哈，玩到瘋狂唒！
個半鐘完後，慢慢行番落山，欣賞附近景色，週圍影下相。
因為順路，回程時去了市林夜市掃街當晚餐。
返到酒店附近，又去新光三趆既 afternoon tea食 cake做宵夜！
今晚回酒店後，沖完唒涼，就坐在一起傾計，看電視，又回到中學去camp時那樣，好興奮！
沒有留言:
張貼留言