妹妹八歲生日會

一如以往，一大班朋友 ( 二十二個連大連細)，在家為妹妹開生日會。我地間屋真係叮噹屋，唔知下年搬咗未呢？

成班細路一齊玩，好開心喎！

靠自己

最近，精神和情緒都比較差，突然間的停課，打亂了我的 schedule，兩姊妹在家日嘈夜嘈，帶佢地出街又驚豬流感，心情煩操又低落。不過今次我決定靠自己，用之前學過的一些方法，去減低焦慮、憂心，盡量唔單靠藥物，希望可以捱過，今日去做了推拿，個人都好似鬆咗。

熱辣辣的海洋公園

上星期六，天氣十分炎熱，我地一家居然去了海洋公園。其實，因為 Aple 姐姐的關係 ( 佢公司 的優惠)，又加上考完試，想比她們輕鬆吓！

五個大人，為了這三個小朋友，熱辣辣都去，不過無所謂，難得佢地開心就 OK 啦！

港女招牌動作

今次，最好睇就係熊貓館。

次次來啲熊貓都惰到死，郁都唔郁吓，今次竟然大顯身手。

海洋公園的機動遊戲，唔係好適合她們玩，我地只係玩咗摩天輪和滑浪飛船，家姐就玩多樣笨豬跳呢！

停課的日子

停課已經一個星期，兩姊妹呆在家中，也不覺得悶，這就是有姊妹的好處，兩個多了時間一起玩，一時好好感情，一時又吵個不停，對於她們倆，停課當然是件好事，但對於我，就打亂了我的 schedule。而家疫情日漸嚴重，相信直放暑假的機會很大，都唔知揾啲咩節目比佢地呢！

玩住 Babbie 先啦！

下水禮

考完試後，又停課，去大浪灣游今年第一次的水，不過當日天氣麻麻地，兩姊妹都係玩沙為主。

今年應該會來大浪灣多幾次，因為我地已經無得去籃澄灣呀！

 

突然停課

考埋最後一日，先停課，真係勁好彩！

不過，突然停課兩星期，都幾頭痛，唔知比啲咩嘢佢地做，第一天，就帶佢地去圖書館借吓書吧！

考試的日子

經過連日來的努力温習，今天總算是最後一天了，餘下來的明天，只欠數學一科，相信狂做練習就行，相比這幾天，輕鬆多了。

一到考試的日子，我就要準備很多温習的資料、練習，要兩姊妹反覆地做，整個家裡都在作戰狀態，朋友們都說我緊張，唉！你估我想！而家的教育環境比我們以前的一代勁爭多了很多，試想以前我們讀書，大部份的父母都是出外工作，小朋友都係自己温習，唔識就問同學，邊有錢去補習，而加就唔同了，幾乎個個都去補習社，一係就私人補習，學校只教基本知識，但考就考啲額外的野，佢 expect 你地個個自己在外面，學些額外的知識去應付，如果你唔理，由得啲小朋友自己温習，只係温吓課文、作業，根本沒法追得上，人地個個都做出面的課外練習，或者上什麼雞精班(小五已經有)，你什麼都唔做，叫佢自己讀喎，點夠人爭！

雖然這樣說，好似遺背了讀書的意義，好似好功利，但無辨法啦！現實就係這樣。係，我可以由得她們自己讀，讀書的責任應該是她們的，但如果錯過咗這幾年小學的階段，萬一入到間唔太好的中學，就影響她們一生，所以我寧願這幾年辛苦啲，盡我最大的努力去幫她們，就算最後佢地成績都係唔好，我都唔洗後悔。

所以，我希望無小朋友的朋友明白，我地做家長的緊張，有時真係身不由己！

結婚紀念日

六月六日係我和查生結婚紀念日，不過因為日子撞正兩姊妹考試前夕，所以我地提前慶祝，在六月四日晚 ( 日子好似唔係幾好，但無法啦平$120 )，去 [Yamm] 食 buffet。傳聞好頂級，食後又覺得一般，都係 Grand Hyatt 的 [The Grill] 最好味，如果唔係 Cafe Too or JW 就較抵。

今次最失敗，就係無帶相機，用手機影相，麻麻地。

每位送上蝦刺身一份

狂食海膽和三文魚子

六四

二十年前的今曰，我剛剛是中五生，會考期間，發生了北京學生絕食的事件，一向對政治沒有什麽興趣的我，起初對事件沒有多大的理會，記得在 八九年五月二十日 晚上，當晚掛着八号風球，我一邊温習一邊看電視，看到趙紫陽去探望學生，他講了幾句說話，就深深的感動了我。之後，有關學生的新聞，我就開始留意。相信那天晚上，除了我，還感動了香港很多的市民，在自收室温習的我，每天一到自收室做的第一件事，就是和同學一同看報紙，討論最新的情況，就係這樣，日子過去了，會考亦考完，我和一班同學就參加了我人生第一次的遊行。

六月四日 早上，一開電視，一幕又一幕的兇怖場面，看到人心都寒了，於是和幾個同學，又去了遊行悼念。事件雖然發生了二十年，但對於這件歷史大事，相信是永世難忘！

家姐、妹妹，這篇網誌是寫給妳們看的，我希望讓妳們知道，當年的我經歷過什麼，最近我將當年所看到的都跟妳們分享，都是希望妳們知道整件事情，致於對整件事的看法，就由妳們自已去感受、去評價吧！

我不是要去爭取些什麼，只是希望我們的下一代可以了解真相。