經過連日來的努力温習，今天總算是最後一天了，餘下來的明天，只欠數學一科，相信狂做練習就行，相比這幾天，輕鬆多了。
一到考試的日子，我就要準備很多温習的資料、練習，要兩姊妹反覆地做，整個家裡都在作戰狀態，朋友們都說我緊張，唉！你估我想！而家的教育環境比我們以前的一代勁爭多了很多，試想以前我們讀書，大部份的父母都是出外工作，小朋友都係自己温習，唔識就問同學，邊有錢去補習，而加就唔同了，幾乎個個都去補習社，一係就私人補習，學校只教基本知識，但考就考啲額外的野，佢 expect 你地個個自己在外面，學些額外的知識去應付，如果你唔理，由得啲小朋友自己温習，只係温吓課文、作業，根本沒法追得上，人地個個都做出面的課外練習，或者上什麼雞精班(小五已經有)，你什麼都唔做，叫佢自己讀喎，點夠人爭！
雖然這樣說，好似遺背了讀書的意義，好似好功利，但無辨法啦！現實就係這樣。係，我可以由得她們自己讀，讀書的責任應該是她們的，但如果錯過咗這幾年小學的階段，萬一入到間唔太好的中學，就影響她們一生，所以我寧願這幾年辛苦啲，盡我最大的努力去幫她們，就算最後佢地成績都係唔好，我都唔洗後悔。
所以，我希望無小朋友的朋友明白，我地做家長的緊張，有時真係身不由己！
係 .. 根本就係依家 d 教育有問題 .. 加上個個家長都緊張小朋友的成績 .. 其實呢個都係一個不停地轉的 "巡" 環 .. 依家多咗人有智識 .. 以前 d 父母多係藍領 .. 自己本身都搵唔多 .. 又唔可以自己教到小朋友 .. 但依家好多父母都係有學識的人仕 .. 就算自己學識唔多 .. 佢地都想自己的小朋友學到更多 .. 慢慢 .. 個個家長都會給予更多學習機會比小朋友 .. 我地呢 d 原先唔想迫小朋友去學習的人 .. 慢慢 .. 都感受到周邊有不同的壓力 .. 我原先都想小朋友於開心的環境下學習 .. 但細心想一想 .. 如果佢成績唔好 .. 都一樣會唔開心 .. 唔通佢一世都係玩玩吓 .. 食喝玩樂就一定開心咩 .. 智識等於小朋友的財富 .. 只要唔太過份的 .. 我覺得這樣做係正常的事 .. 而且我地家長又唔係只迫小朋友去學習 .. 我地家長都陪伴在側 .. 與小朋友一起努力作戰 .. 我反而覺得佢地會開心 d 添 .. 因為知道家長為佢地出咗好多力 .. 好關心佢地添 .. 查太 .. 加油呀 ..
回覆刪除其實一開始幫劉小姐揀學校時 = 幼稚園開始~~~我就主力替佢揾些活動教學~~~冇功課同考試壓力嘅學校~~~我自己愚見所有傳統學校或者名校都有好多功課、測驗同考試又或者要做好多報告做~~~尤其係一、二年班通常都係辛苦父母~~~嘩我諗起好三測三考就已經想喊啦~~~所以我決心揀活動教學嘅學校~~~仲要係冇咩功課做嘅~~~所以我好好彩輕鬆咗幾年~~~而我嘅睇法就係父母想啲子女去邊啲學校讀書~~~劉小姐現在四年班~~~而且五年班下學期就要呈分~~~所以今年都開始俾啲壓力佢~~~
回覆刪除吾記得劉小姐下星期一開始考一連三天~~~所以今個星期努力溫習~~~
回覆刪除