與好友週年紀念@Yamm

琴日攞正 premit出去玩，因為又係我地四個好友嘅週年紀念 ( N 年喇！)，今次去美麗華嘅 Yamm。

原先我地book 咗"都會海逸"，點知星期四晚同阿婆講開，佢話佢個 friend 話唔抵食，其實臨急臨忙都無想轉地點，點知星期五睇到 Athena 個 blog，介紹 Yamm話好，我即刻打去問，點知仲有位 ( 初初開要三個月前 book 架！)，O甘就梗係轉呔，即 book 啦！$238 + 10% ，仲買四送 一，我地剛剛四個，埋單 $185，超抵！

食物種類無 Cafe Koo O甘多，但勝在精緻，顧住影食物唔記得影人喎！

啲蝦同螺都好爽！

蠔就太細同重海水味，唔得！

啲壽司好好味！

沙律、串燒都 very good！

仲有鐵板燒。

前年我來 Yamm食過 dinner buffet，嗰時可能因為覺得啲人講得太好，而價錢又貴($5XX)，所以覺得唔會反兜，但今次食 lunch buffet，$185又覺得超值喎！

整體來說，琴日呢餐 buffer，好好味！好感恩啊！