花開富貴

來到年廿九，天氣好在凍返些，有啲氣氛，出面街人頭湧湧，但今年我總覺氣氛唔夠，可能係我自己問題！ 上年新年去了旅行，不在香港，返來初六已覺新年過去了，上年好似 skip 了過新年，所以我鍾意留港渡歳！
 
以往我最興奮就是過年前，準備既日子，雖然好忙，但好開心，好期待，但不知點解今年，冇咩心情，冇咩期待，過年如過日，都係咁啫！
 
不過，點都好，都有為新年準備，之前買既水仙開了，好香呀！希望新年，花開富貴，身體健康，事事如意！ 同大家拜過早年，㳟喜發財！