沉重

今日星期一，如常6：00起床，叫女起身、煲茶、整早餐、䦕機洗衫、收衫、浪衫、吸塵、拖地等家務，一切如常，但卻帶著沉重心情！

相信每一個香港人，琴晚睇住電視，都覺得很心痛！

即使我一向不贊成佔中、罷課，但昨日政府既行為，都是不能接受！個人意見已不重要了，支持與否是次要，人民安全才是最重要！

呢個是什麼政府？這裡是香港嗎？

打壓只會得到更多既支持，大家都不能下台，事情只會愈攪愈薑，這是解決方法嗎？

望住今日既局面，有似曾相識既感覺嗎？廿五年前，大家也看過，今次身在香港咁近，感受更深，真的不想，不要再見到了！

Party @Steak Workshop

近年，好興租一些場地開派對，而那些場地通常有個好大既廚房，有齊唒煮食功具，比客人煮食兼開派對。

上星期六，査生啲大學同學，就來了這間叫 Steak Workshop 開 party。呢期呢間 workshop 好紅，成日在"使徒行者＂出現，

卓 sir 呀！

係呀！就是這個廚房喇！

我地四十幾人，連大連細，每個家庭煮些食物。

我煮了醉鮑魚和雜果沙律，

查生就負責煮牛扒，牛扒是在這裡訂的，好大塊呀！

仲有很多其他食物，壽司、蛋糕、生蠔、湯呀！好多.....不過，我忙於幫身煮食，冇咩影到食物。

小朋友亦有地方玩！

五點玩到十點，食到大家好飽，一大班人，一齊整下嘢食，又可飲下酒，吹下水，好開心咁玩了一晚！

Steak Workshop facebook:   https://www.facebook.com/SteakWorkshop?fref=ts

蝦春卷

這味蝦春卷，好易整，又好味！開派對，送飯都一流！

材料：

急凍蝦仁 1包

粟米粒少許 (可放可不放）

芫茜根（切碎）

春卷皮半包，每張春卷皮一分為二，打斜角切，變成三角型

做法：

1 先將急凍蝦仁解凍，加少許鹽加水洗淨、抹乾。

2 然後逐一放在砧板上用刀拍扁，

3 放入大碗，加入鹽、糖、胡椒粉、生粉、麻油、半隻蛋白調味，順一個方向攪拌均勻，再加入芫茜根，打至起膠

4 放入雪櫃雪至少三小時便可使用

5 將蝦膠及粟米粒拌勻，放一小匙在春卷皮上，捲實，用小量生粉水封口，便可

6 用小煲，放油，將春卷炸至金黃，即可。

食時拌以泰式辣醬式沙律醬，會更加好味！

九月

每年九月，都係一個令我特別多嘢諗既月份！小朋友九月開學，一切可從新開始，而我每年九月，都會思想一下，來緊一年有咩方向，比起年頭一月一號，我視九月為新䦕始多些！

其實，思想沉澱了一段時間，可惜仍是有些迷惘，不過，我相信＂機會是留比有準備的人＂這話，而且相信神會有所安排，既然現在有時間，所以，裝備下自己啦！

暑假懶散了很多，假期過後，要重新開始，暫時仲好有衝勁，希望可以 keep 到，不要白過日子吧！

醉鮑魚

之前，感謝宴𥚃契媽整了既醉鮑魚非常好味，於是立即請教契媽如何烹調，原來方法也很簡單。

材料：

鮮鮑魚斤半、紀子（隨喜愛，可加可不加）、糟鹵半支、花彫半支、冰糖少許

做法：

1 先將鮑魚用小刷洗淨，冷水浸過鮑魚面，細火煮滾，但切記不能大滾，之後熄火焗20分鐘

2 將鮑魚用冰水浸凍，去榖去腸去內臟，待用

3 用開水浸一浸紀子

4 將糟鹵、花彫和冰糖，細火煮至冰糖溶，熄火待凍，成醉汁

5 醉汁料凍後，放入已浸冷既鮑魚，加入紀子，放入雪櫃浸過夜便可食用。

做法簡單、容易，我第一次做都成功！haha!

馬賽海鮮湯

呢個湯其實學了很久，在工聯會第一次學法國菜時學。







上星期煮了比朋友飲，因他很喜歡呢個湯，差不多次次都點！





其實，不難煮，只需海鮮夠新鮮，還有加藏紅花，就會大成功！








材料：





急凍魚柳（可用青衣、龍利，但要用實肉魚），急凍魚可用盬、糖、胡椒粉、少少生粉，𢓭加油醃下、蜆、中蝦、帶子、西芹半條切粒、青甜椒一個切粒、紅甜椒一個切粒、洋蔥一個切粒、蕃茄兩個切粒、月桂葉1片、藏紅花少許、百里香少許、番荽少許、蒜蓉少許、辣椒粉少許、百蘭地少許、魚湯或雞湯1公升、鹽和黑胡椒少許調味、蒜頭甜椒醬60毫升

做法：

1 炒香洋蔥、西芹、甜椒、蒜蓉和辣椒粉，加入藏紅花慢煮5分鐘，炒至雜菜軟身和呈淺褐  色。

2 加入香草和番茄，注入魚湯調味煮滾，然後以慢火熬煮10分鐘。

3 湯汁煮滾，加入魚塊，以慢火煮5分鐘，期間攪動2次，再加入蜆和蝦煮1分鐘。

4 熄火取出月桂葉，加入百蘭地和調味。

5 加入蒜頭甜椒醬中，令湯更濃郁！

蒜頭甜椒醬，要之前準備定，除放入湯外，可留少許配法包多士食也很好味！




呢個醬整了幾次，不過一路都冇寫番個食譜出來！其實，呢個醬好味好易整，而且幾健康，用來配法包一流！






蒜頭甜椒醬




材料：




紅甜椒 ( 用160度焗40分鐘） 100克，去皮焗薯 120 克，蕃茄茸 15 亳升，蛋黃 1隻，蒜頭 1粒，純味橄欖油 125 毫升，鹽、甜椒粉少許





做法：





1 紅椒燒焦趁熱去皮


2 把紅椒、薯仔、蕃茄醬、蛋黄、蒜頭、鹽和甜椒粉同置撹伴機中攪碎成茸


3 加入橄欖油攪成濃稠醬汁