大家唔好以為我又考試，唔係我，係兩位小姐。或者你會問，唔係自己考試，點解係我準備呢？都係嗰句，而家呢個年代，小朋友讀書，等如家長也要陪讀，其實我都唔想咁緊張，不過唔理佢地，又好似揾佢地嘅前途靠飛咁！
今次想分享一吓，佢地每次考試前，我會準備啲咩！
通常出咗考試範圍後，我就會 review 吓個範圍先，費事讀錯書嘛，然後會攞哂啲補充練習(中英數)出來，選定邊啲要考嘅，就一份份夾好，如果有啲認為重要，要做多次嘅就 copy 多份，然後就一份份放在一起，準備佢地温習備用。
至於常識科，我通常會喺開學前，將全部作業(空白) copy 一次，考試前再比佢地做多次。有時有啲作業唔記得事先 copy，又或者係一啲小測卷、測驗卷，想佢地做多次，就要做吓啲手作仔喇！
首先將作業 copy 一次，然後用塗改帶塗哂啲答案，之後再 copy 。
其實幾年前，我仲會自己出埋卷，或者做埋筆記(常識科)添，但由上年開始，我開始放手叫家姐自己做筆記，而今年連妹妹，我都教佢自己做喇！
我成日都信，[工欲善其事，必先利其器]，温書係要有準備、有方法，唔係亂來死讀就得，希望由細教識佢地呢個道理，之後大個用得著啦！
不經不覺和家姐一起長大嘅 Tanya 都十二歲，星期六喺佢屋企開生日會，其實我地呢班小朋友，啲生日全部集中哂喺上半年，所以差唔多一個月開一次生日會。
今次安排了整 Cup Cake 節目，首先要量度好麵粉嘅份量，
之後(西)粉，
之後攪混所有材料: 牛油、蛋和麵粉，
再放入焗爐焗。
其實今次係一個比賽，
大家一人一票，
最後朗朗勝出！
生日會仲有其他遊戲玩。
本來諗住去樓下BBQ，點知下雨，唯有將啲本來買嚟燒嘅海鮮，就咁煮來吃。呢幾味，我都係第一次煮。
薑蔥炒蟹
白洒煮大蜆
美極蝦
三色椒炒紅洋葱，估唔到炒出來咁靚！
參加咗 Sogo Club 一堂嘅 Cooking class，有別於之前學過嘅烹飪班，今次似私房菜多過學嘢。
呢個廚房好大，嘩！簡直係 dream kitchen！
啲材料好新鮮呀！
好靚嘅蕃茄。
一開始阿 Sir 講解，然後就分組，一人負責一樣工作。
我先負責切薯角。
之後攪湯，
就係呢煲十九人份量嘅湯，要好大力攪，都幾吃力，
跟住又係做炒嘅工作，煮麵撈，攪到隻手痛咗成晚！
十幾碟都幾震撼！
頭盤: 香煎法國鴨肝伴蜜糖蘋果。
第二味係湯，做法都幾複習，其實西湯出去食真係抵！
蘆筍龍蝦忌廉湯
之後係煎黑毛豬柳，
第三味係燒黑毛豬柳伴黑松露汁。
最後係甜品，我係零參與。
甜品: 栗子慕斯冧洒蛋糕。
總括來講，Sogo Club 呢個烹飪班，如果無學開煮西餐個底，係唔會學得識，不過我地又覺得幾好玩，當食餐飯，都幾 OK，我地諗住下次同埋老公嚟，再玩過！
家姐喺 SDM 學跳 Jazz 都一段日子，每次叫佢去表演，唔係考試就係唔得閒，今次終於有機會，星期日母親節有表演喇！
撞正喺母親節，叫嫲嫲嚟睇表演，之後一齊食 lunch。
