忽冷忽熱

天文台一早預告今年嘅冬天會特別冷，但實情又好像不似，上星期凍過一次十二、三度，之後又回升到廿幾度，今天仲有成廿五度，咁樣忽冷忽熱，真係好易病。我就最唔鍾意啲天氣咁，我鍾意一係好凍，一係好熱，一係冷冰冰，要不然就熱棘棘，唔要中間，我份人真係好怕啲嘢唔湯唔水，好似而家咁，我估作病，但又係唔上唔落，未發出來，但又知就來嗰種感覺就最差，記得鄭秀文喺佢本書講過，佢連病都要病得切切抵抵，要病就激烈地病一場，然後又切抵地好番，我同佢就係呢種人，樣樣事都要清清楚楚，乾乾脆脆，咁樣做人是否會辛苦啲呢？