韓國之旅-2012-Day 1

半年前已經計劃了，一家四口加埋婆婆和表姐一家，九個人一起去韓國，原先我地諗住喺香港過咗年先，初四先出發，兩個月前報定名，點知臨尾都係要改期，由初四變了初一，就係咁年廿九晚上十點，已經去到機場集合。

出發前相當興奮！

零晨 1:00 機，去到韓國機場 5:00 幾，之後 hea 到七點幾再集合，乘旅遊車出市中心，由於太早，加上是年初一，度度都体息，旅行團就帶我地去賭場。小朋友唔入賭場就喺出面上網 hea。

之後再安排 Duty Free 買嘢，我地週圍影吓相！

年初一，寧靜嘅首爾。

第一餐，人参雞。

午餐後去樂天世界，唉！已經成晚無瞓，都冇咩精神玩！

Day 1 已經累到好似最後一天!

第一天行程超累，吃完晚餐，立即返酒店 zzzz!!