農曆新年-2012

話咁快今日就已經係年十四，今年個新年假期過得特別快，可能今年晤喺香港過年啦！年初一至年初五，都不在香港，咩新年氣氛都冇，雖然而家就算喺香港都唔係好多。

返來後，年初六早上，梗係要去嘛嘛度拜年，晚上就去了姨婆度食飯。

年初七，第一埸朋友來團拜，呢班朋友年年初三來，今年因為外遊，改了初七，一班人一邊打邊爐，一邊睇番家有喜事隻VCD，個個又笑到飛起！

年初八，爸爸仲放假，下午去了舊老世度拜年，之後和契爺、契媽食飯。

初九，爸爸、家姐返工返學，趁妹妹未返學，帶佢睇喜上加喜。

琴日, 班細路來屋企玩先，

之後，一大班人去增輝食晚飯。

總括來講，我都係鍾意留响香港過農曆新年多啲！