暑假活動回顧-2012

又係回顧暑假活動既時間，今年過了一個幾 hea 既暑假,因為家姐今年冇參加任何暑期活動，而我只集中帶妺妹一個，今年我只係幫佢報了三個課程，學校既藝術體操，和去尖沙咀學陶瓷和油畫，唔算太多野學，唔洗出去上堂既日子，星期一至五，三母女大多留在家中，變成宅女，晤係睇電視，就係喺電腦煲劇，由一早起床，睇花 C 奶，到下午既大長今，真係好 hea架 !

今年暑假本來就冇咩 planing，所以之前都冇 plan 定啲活動，除了個camp ，其他活動都係即興。 八月頭去過台灣幾日，又去過海洋公園夜場，原本八月中去兩日camp , 結果取消了，但仍然勁玩了兩天：BBQ呀！唱K 等，之後又去過打保齡，游水、睇戲，還去學了整月餅，節目都好豐富架！