五年

五年唔係一段短日子，但呢五年真係過得好快！9 11 對美國人來講，係絕對傷痛！而呢一日，係改變我生活模式，好重要既一日。因為一個病，令我停低下來，做一個全職媽媽。

喺呢段日子裡，  我開咗個 blog , 記低了呢幾年生活既片段，雖然唔係日日寫，但一些重要事情，生活點滴，都一一記錄下來！

呢五年來，係我人生最快樂既時光，雖然對住兩個女，日日都好怒氣，但如果五年前冇停下來，我敢講一定冇今天既成果，起碼兩姊妹成績尚 OK , 而且亦因為多了時間在家，沒有怱略了阿妹，換轉以前返工，梗係顧咗家姐啲功課，已經冇氣力去理妹妹啦！時間多了，令我清楚地認識生命，以前樣樣都衝！衝！衝！今時今日，停了下來，就知道自己要些什麼！

兩位小姐又開始長大，係時候計劃下未來，「機會係留比有準備既人」，我絕對認同，仲有一年，連妹妹都升埋中學，時間多了，就可以做自己喜歡既事！