優雅生活計劃 - 身外物

我唔算潔癖，唔需要屋企一麈不染，但我喜愛間屋整齊簡潔。我一向都鍾意睇一啲関於收納既書，希望學多啲有效既方法！

 

之前，買了這本書，作者係一位日本太太，佢好勁架！開班教人收納做家務外，又出書又寫部落格，因為家務而建立了自己既事業！

 

 

 

書中提供了許多有效率的家事方法，又提出簡潔而整齊既家居，會令生活得到優化，而不受雜物支配，更會令人生變得優雅起來！

 

書中講到，要有簡潔既家居，收納技巧是第一步要学。

 

從書中學到，要有優雅既人生，就不要有太多雜物，掉野要狠，不能收藏太多用不着的東西。

 

近排，我逐步逐步檢視我家既雜物，先前是書，今天是我的衣服和飾物。唉！原來我有很多書，但有好多是看完的，但我一向也愛蓄書！結果，收藏了很多，但得個擺字！

 

 

 

衫、褲、飾物，也有很多，有好多幾年也沒用上，我，決定今次狠心啲，一次过大清除一次，好似很浪費，但總好过佔據了咁多空間，以後，買野就要理性些！雖然，我未做到好似作者咁，只留下記得住數量的衣服就夠了，但也要盡量控制呢！

 

其實，人係唔需要太多身外物，夠用就得了，這樣既人生，既環保，又簡單呢！

大少奶的元氣煮意

大少奶又有新書出喇！

 

急不及待去書局買回來，一口氣用了兩個鐘睇完。好精彩呀！好有大少奶一貫以來既作風，食譜加上一些散文，訪間很少呢類書種，大少奶將食譜生活化，用不同既食物，和日常生活連繫在一起，以為互不相関，但放在一起，又起了化學作用，生動而有趣，這種風格，成了大少奶獨有既特色！

記得初初認識大少奶這個名字，是從她第一本書開始，當時，我偶然在書局見到佢本書，攞上手睇下，覺得好得意，就買回家看，之後見到佢原來寫 blog ， 我又去佢 blog 睇下，覺得呢個人好有趣，就將佢既 blog 由頭看一次，自始我就經常上去看佢個 blog ，睇下佢啲食譜，跟來煮下。

其實，看佢寫既 blog ，就覺得佢同我有很多相同喜好，我在想，我地應該可以做到朋友，不過，一直以來，都係在佢 blog 裡留下言，互相交流下！直至一段時間後，不知從那裡來的勇氣，我約佢出來見面，點知佢又一口答應，就係咁，我地就做了真既朋友！我地雖然不時成日見面，但因為大家都有寫 開blog ，所以都十分了解大家既近况，每次見面，都會好開心咁傾下講下！

我覺得大少奶好幸福，有一個好寵愛佢既老公，又有一份佢好喜愛既工作，一個人有機會出書，記底自己既生活回憶，係一件好美好既事！

講返本書，今次散文部分比較重，分別記載佢由童年、少女、年輕 OL 、到變為人妻，佢既不斷變化，最奇妙既係，佢呢半書好似幫佢作了一個分界線，因為她好快進入人生另一個階段......

可能，我和她都是成長在差不多時代裡，佢書中提及既一些回憶，我也有似曾相識既感覺，好似佢話十二、三歲時，電視一播甚麼戒煙、戒毒、未婚懷孕等宣傳片，家長都會立刻說：「你睇下，你唔好學呀！你呀！俾我知你係咁你就死！」 ，我睇到呢度，就笑了出聲，嘩！一樣既！還有，佢話佢既初戀，係由一個＂媾＂字開始， haha ! 我都係！睇到呢啲，真係好有共嗚！

作為一個讀者，覺得呢本書好正！好睇！作為朋友，覺得好登佢高興，因為我知佢出呢本書，係經過好多困難先出到，實在得來不易！希望佢繼續努力！我會一直支持你！

中一生涯 - 妹妹篇

唔經唔覺開咗學都差不多兩個月，妹妹升上了中學，都算是適應。

不過，功課方面，就比較想像中多！其實當初都是聽聞，呢間學校少功課，所以先選這間學校，點知今年轉了新校長，功課卻加多了！

每天放學，都要做到八、九點先做完哂功課，呢兩星期，因開始有課外活動，又要話劇比賽排練，要夜放學，再加上要溫習下星期測驗，每晚成十點幾先完功，都冇咩時間休息，很忙！

整體上，妹妹都好適應中一既生活，識了一班新同學，好開心愉快，只是，在預備溫習測驗時，有少少無從入手，仍需我在旁協助！

中文好重要

星期六，參加了家姐學校既選科講座，係呀！話咁快又中三要選科喇！

其實，我覺得選咩科，真係要佢自己去揀，父母是沒有可能強迫的！

不過，呢個講座，最令我印象深刻是，中文科主任既分享，成個講座佔最長時間，亦都是呢部份！

以前年代，人人都認為英文最重要，學校、父母都是重視英文，多過中文的，但今時今日，新高中既課程和入大學既準則，中文真是難到好多學生。

由於，呢一代既學生家長，大部份家長學識都比較高，從少已經為小朋友既英文打好底，好多時怱略了中文既重要性，以為英文好就咩都可以喇！可惜，新既大學入學要求，中、英文都同樣重要，是但一科達不到要求，就算其他科考得好好，都讀唔到大學架！呢兩年，就是好多名校生，因為中文不達標，而入唔到大學！因此，而家間間學校，又開始看重中文呢一科呢！

但中文要好，不是一朝兩天可以改變的，加上新學制唔讀範文，更加令到學生無從入手，唔知點去學好中文。

以前，我地中文有考範文，就算自己中文底唔好，只要肯勤力死背死讀，都總可攞到一啲分，但而家冇範文，只考聽、說、讀、寫，比較虛無既，根本不知如何溫習，所以，令學校、學生、家長都好無奈！

講番個講座，呢位中文科科主任，係一位很後生既阿 sir , 但佢以一句古詩帶出主題： " 藥方只販古時丹＂，意思是，藥都是用返古老既方法先有用，即是要學好中文，都係不離幾個舊方法：積累知識，多閱讀，睇多啲，多背誦，背誦佳作名篇；多練習！
 

 

 

 

唉！不過今時今日啲學生，又點會聽得入耳，好似家姐咁，我同佢講中文而家好緊要，見佢中文和英文既成績距離愈來愈大，叫佢去補習，佢又唔肯去，想請個補中文既補習姐姐，點知就算是讀緊中文系既，中文都不太好，中三功課又好多，佢有時間休息，都去上網啦，叫佢睇書，真係勁難！

雖然，下年先上高中，但我相信機會是留比有準備既人，今年真係要好好諗下計先得！

二手書回收

最近，在執拾屋企既書櫃，有些書睇完，但又唔想掉了咁浪費! 原先我找到個二手書網，可放些舊書上去賣，但放了幾個星期，都冇人問津，算啦而家想損出去，上網 check 下邊度有得回收，但發覺原來好難搵，冇咩資料可提供。唉! 我唔想白白咁掉了佢地，但又唔想再 keep , 屋企冇位放喇!

以前，我真係好鍾意買書，又鍾意儲藏，唉! 而家人大了，唔想又咁多身外物喇! 要睇書，去圖書館借也不錯，又環保呢!

 

 

重陽節假期-2013

又係食大閘蟹既時候，上星期六，約了一班朋友上來！

其實，而家都冇前幾年咁瘋狂，食少了！不過，至在一班人聚下！

之後，再打邊爐食下海鮮和菜。

星期一，重陽節補假，朋友仔仔從台灣返來，約一班叔叔姨姨見面，不過，佢定了時間，我們是4：00 - 5：00 果輪，地點在深灣遊艇會，對我地來說，都幾遠架！

去之前，兩姊妹想去玩逃出香港，約埋 Tanya 一齊去，我和Kami EE 就行下街等佢地。

入到去深灣遊艇會，最吸引佢地是呢度既 play area , 雖然，三個都唔細，但都樂在其中！

 

 

 

 

 

 

 

BB 好怕羞，要快手先影到張相！

晩飯 , 去返九龍呢邊食，去渡船角食串燒！

去撘西鐵前，行過海旁，三位少女又要影相，玩到傻！

 

一個人行誠品

而家每個星期，都keep 住去中環一次做推拿。見過開海，琴日去完，就順便撘車落銅鑼灣，諗住去行下誠品。

閒日來冇咩人，好正！

其實，我好鐘意一個人行書店，靜靜地打下書釘。鐘意呢度好多書種，平時在三聯、大眾少見既，呢度都有，又大、又有位坐，可以慢慢行，慢慢看！不知不覺，行了個幾鐘，最後當然有收穫呢！

行完書店，心情都輕鬆啲，咁舒服，得閒會再來呢！

星馬小炒

近排，週日晚餐，在家煮多了! 一來出街食，食得太多，都唔知食咩，二來，查生平時成日喺出面食，想佢放假時食多啲住家飯，健康啲又可慳番啲!

以前整西餐比較多，但話明住家飯，都是中菜岩啲。

呢味小炒是之前，學星馬堂學既什錦包蛋網變化而來，我將佢簡單化，唔整個蛋網，淨炒個餡。呢味好岩送飯呢!

材料:

蝦仁(急凍都可以)、豬肉碎、乾蔥、蒜頭、芫荽根、蝦米、沙葛、什菜豆

調味料:

蠔油       1湯匙
甜豉油   1湯匙
魚露       1湯匙
麻油       少許
炸乾蔥   少許
芝麻      少許

做法:

1.   用少許鹽、胡椒粉、生粉分別醃豬肉碎，蝦仁
2.   沙葛切粒，什豆先飛水
3.   乾蔥、蒜頭、芫荽根、切碎、蝦米刴碎
4.   燒熱油，將豬肉碎，蝦仁分別炒熟
5.   另燒熱油，爆香蒜茸、乾蔥、芫荽根、蝦米碎炒香
6.   加入什豆、沙葛、豬肉碎、蝦仁，炒勻
7.   落調味料: 蠔油  、甜豉油、魚露 ，再加入炸乾蔥 、芝麻 炒勻，熄火下麻油即成

這是什麼世界？

究竟是咩世界，天天打開報紙，都是一大班家長排隊，取幼稚園報名表。今日看報紙仲誇張，一個港爸為了幫仔仔，天天去排隊取報名表，因此放棄一份高薪工作，更因通宵排隊，精神不足招至意外，兩條肋骨裂了入院，但第二天，仍負傷上陣再排過。

唉！有這些問題，全因政府後知後覺，呢班父母，幾年前，一有 bb , 就要爭床位生仔，跟住搶奶粉，而家到搶幼稚園學位，樣樣都要搶，因為一班雙非 ，幾年前種下既禍根，而家逐一出現。

我們港爸、港媽，本已有怪獸家長既特性，咩都驚慢人一步，現在仲要面對大批雙非，加入戰場樣樣都搶，我們怎不會如驚弓之鳥呢！一於有理冇理，搶埋一份！

作為父母，本來已是一份很艱辛既工作，每個階段都有不同的困難去面對，想不到現在當父母，還要面對以前從不是問題既難題，社會不是進步了嗎？為何像倒退一般？

我十分同情今時今日的新手父母，他們比我們以前經歷的，更加辛苦，更大壓力！

唔怪得市民咩都反政府，政府連最基本既，都做不到和做得不好，我們又怎可再支持和相信下去！

好友週年紀念@ Three on Canton

星期六好少同朋友去街，不過上星期六，約了好友去食 lunch buffet , 因為慶祝相識紀念嘛! 哈哈! N 年了，去了新開不久既 Three on Canton , 可惜，失望而歸！

可能之前食過 The Market 太好，今次好有期望！見佢裝修不錯，點知期望愈大，失望愈大!食物種類雖然都算多，但味道就唔多得！

 

不過，難得星期六去街，傾下食下，之後再返葵芳行一陣，一個 lady talk 既週末，超愉快！

國慶日 BBQ

秋風起，又係 BBQ 既好日子。

琴日國慶假期，又去BBQ !

今次以海鮮為主，加埋契媽醃既叉燒，仲有第一次試燒菠蘿，超正!

秋風送爽，今次又齊人，一大班人聚會，開開心心，超愉快的一晚!

呢幅相，好攪笑!