插花班@工聯會-初級 Part I-第四堂

水平型

特點： 長、窄、矮，採用較現代感的手法去插作水平型，應用一些插花技巧，較自由去處理花材，充份表現空間美。

適合聖壇上的裝飾花、餐卓、會議卓、演講台上，也可作餽贈花。

花材：
椰葉5片
玫瑰12支
黃彩星五份一扎
天冬二份一扎
花泥三份一件

老師的

假日餐 - 25/05/14

平時一至五，廚房都由婆婆主理，以前假日多出街食，不過，近呢兩年，多了在星期六、日或假期煮飯，尤其考試測驗，兩位小姐在家溫書，我而家又唔洗同佢地溫習，唯一可以做到，就是煮餐好既比佢地食，當同佢地加油！

琴日，雖然未考試，但都開始準備了，煮了一餐西餐。

試了整雜菜湯，好味又健康，以後會多煮！

再試了整卡邦拿意粉，雖然我一向不太like 這個意粉，太多芝士喇！但兩位小姐超like,開心！

兩款新嘗試，都是跟偽主婦本新書的！

仲有整咗燒雞拼薯仔沙律，還有法包拼鵝肝醬，勁豐富！

插花班@工聯會-初級 Part I -第三堂

直立型（I型）

型態特點： 垂直型乃以直線型花為主，向上直立延伸，表現出挺拔的生命力。宜擺放於柱旁或較狹窄的角落，不佔直間。

花材：
風車草2支
金魚草2支
玫瑰5支
太陽花2支
小丁1支
米仔蘭三份一扎
排草2扎

花泥三份一件

呢個要平𧗽又高，所以好難插，盡了力！

老師的

蘋果、西芹、吞拿魚沙律

天氣仍是不穩定，日日落雨，都唔想出街。

今日，又來一個沙律做午餐，清新又健康。

 

材料： 富士蘋果2個，西芹3條，吞拿魚一罐（水浸），提子乾少許，蛋黃醬和咖哩粉

做法：將蘋果和西芹切粒，全部攪拌一起即可。

芒果芝麻雞肉沙律

悶熱的天氣持續，食嘢都冇唒胃囗, 今日整咗—個芒果芝麻雞肉沙律做午餐。

 

 

 

材料：

 

雞腿肉一塊$8，芒果2個$10

 

做法,超簡單，只需煮熟雞腿肉,放凉用手弄成絲，加少許黑椒碎和芝麻醬拌勻,再把芒果切粒粒即成。

 

簡單又平易!

插花班@工聯會-初級 Part I - 第二堂

三角（英國式）

型態特點：等邊三角型，三邊一樣，適合開張，放於較大的地方。

花材：
玫瑰12支
排草3束
母忘我3-4支

今次在堂上插好12支玫瑰先，比老師睇完，再回家完成全盆

是日功課

老師作品

健康版黑松露磨菇湯

黑松露磿菇湯算係我個人既拿手湯,好多朋飲过,都話好好飲，經常在派對中点名要我整。

不過，總覺煮呢個湯要落太多牛油去炒麺撈,太不健康，看了偽主婦本新書後,發現了她既版本,不需用牛油炒麺撈,於是即刻試下!

 

 

 

今次一人份，整了—碗比自己試下,冇用麵撈,都有creamy 感覺，當然落牛油会更香,更creamy, 但呢個做法就健康好多,有時自己想做过，—人份午餐就最岩，唔洗食咁多牛油。

 

佢個做法是用多啲忌廉,去代替牛油麺撈,令湯有濃烈感但就冇咁溜！

M Club 的反思

最近,有套M Club 女人俱樂部在大台播緊，講真是否很好看,就見仁見智，我都不是天天追看,只是聽到很多朋友說,套戲勾起她們很多回憶，那些學生時代既少女心事,那些年既校園生活,流行金曲,都吸引了多咗人看,尤其我們這些中女,應該更多共鳴！

 

 

 

某日,聽收音機討論緊，話呢套戲令很多中年婦女,思想番自己既夢想。好似戲主角,本是少奶一名,只在家照顧丈夫、奶奶和女兒,但—次在街偶見番中学時代的一位好友,從而改變了她平淡的生活,她從新思巧她想要既生活,重拾放下既夢想，—步步改變起來!

 

其實，有很多中年婦女,曾經為家庭為子女,放棄了夢想,放棄了事業,但子女長大後,生活突然變得沒有了方向,像我一樣,當了七年全職媽媽,兩個女兒踏入青春期,不再需要我全天候照顧，係時候想想我的將來！

 

記得戲中女主角講過: 只是做自己想做而又應該做的事,絕对是我而家的心境!

小廚房煮大餐

 Blogger 偽主婦的新作，小廚房煮大餐。

我有睇開偽主婦個 blog, 好間中都有回應下，雖然，從未見過面，但感覺已經是朋友了！

偽主婦一向喜愛煮西餐，而我也是，所以覺得佢個 blog 好睇！

呢本書，分類清楚，煮法又簡單易明，還有用剩餘食材，變化出來的菜式，你知啦！西餐用料，有時成日用少少，放喺度又不知怎處理，偽主婦實在有創意！我上星期五，買回家一晚就煲唒，通常我睇cook book ，見到我想整既會用貼紙bookmark 住，結果我差不多成本都貼唒，全部都想試！

另外，值得一讚是，書本除食譜外，還介紹如何佈置餐桌，一些入廚小貼士，更有小廚房收納術，內容相當豐富，是一本好值得推介既 cook book！

插花班@工聯會-初級 Part I -第一堂

又試了一種新興趣，參加了工聯會開既插花班。其實，因為學西餐，喜愛了插下花增添氣氛，開始對插花有啲興趣，所以去學下！

今次參加了一個美國花藝學院初級文憑課程，初級分三階段，每 part 10堂，要完成全部就要上30堂，之後就可申請文憑，哈哈！講到好 pro咁，上咗看看是否真係有興趣先再決定喇！上次上網頁設計，未上唒已經頂唔順，quit 了！希望今次唔會啦！

第一堂 - 西式小圓型 (半球型）

型態特點：四面看都一樣，適合放餐卓、茶几

花材：
康乃馨11支
天冬少許
排草約15片
白孔雀少許

這是我的功課，唔夠圓，不過第一次插，算可以啦！

 

 

呢個老師架！冇得比啦！

90後 BBQ

自從上次聚會後，決定改了呢班朋友做90後，haha, 90 後識嘛！

唔洗再等 N 年，上上個星期六5月3日，去了契媽屋企樓下 BBQ!

今次有埋男仕加細路，十幾人！

 

 

今次人多了，  又買了很多嘢食，四個鐘，好似好趕！

趕時間，三層燒嘢食！

食完再上契媽家吹水，講返以前啲事，想當年，勁開心！

五個細路好熱鬧，我地個班大唒，好耐都冇見啲咁活潑既小朋友！

快樂的星期一

上星期一（4月28日），幾位好友放假一天，約了去玩去食。

約了中午出來，先食個 lunch ， 又來Harlan， 幾鐘意來呢度食lunch ，坐得舒服又不是太貴，二佰幾一個 set ，有頭盤、主菜、甜品和餐飲，仲有頭盤是 semi buffet， 都幾好！

食到三點多，先是今天主題，去自拍館影相，呢期好興，家姐影完回來覺得不錯，我即刻 book， 四個人去$332，每人八十幾，玩50分鐘，任影、任換衫和場境，仲有好多道具任用，超抵！

 

 

四個玩到傻！

影完之後，再入長洲，哈哈！節目豐富，平日黃昏入到去，冇咩人，週圍行下，買下平安包，因就到太平清醮嘛！

Mo Mo， 帶了我地去一間飯店食晚飯，食海鮮餐，好味又抵！

食飽飽，再買埋甜品打包先回程。

超 happy 的一天！

復活節假期-2014

偷懶了好耐喇！好多 blog 要追番，講番今年復活節四日假期先：

第一日, 入了大埔踏單車 ,

 

 

果日好好天氣

好多人去郊外，呢度同旺角一樣旺。

 

之後夜晚，約了一班好友喺入面 BBQ， 愉快地過了一天。

第二日，冇咩嘢做 , 兩姊妹在家做功課，我就 hea 了一日

第三、四 日，參加了中旅既珠海、澳門兩天遊，其實係要去拜山，順便跟團玩多日，咁仲抵啲！

雖然話跟團，其實都冇咩行程，先在珠海玩一日，去食神秘果，食水果

跟住去百萬葵園睇花，行下影下相，之後食午餐，再去十九浦行下海味街，跟住就回酒店休息。

因不包晚餐，我地自己出去附近食。表姨丈帶我地去食日本嘢，呢度好正宗，好多日本人來，

我地十人一個房，食完玩自拍，老老嫰嫩都玩，超開心！

食玩去按腳就回去休息！

第二天，食完早餐，就撘車去拱北過関去澳門，之後個團就解散自由活動，我地就去拜山喇！拜完山就喺澳門，週圍行下、 hea 下，之後撘5：15 回港。

四日假期又好快過去。