大蝦濃湯 - 簡易環保版

之前學 cooking class 時學過呢個湯，琴晚煮時，自己加以改良，變了更簡單，而且仲好環保，想分享呢！

前晚打邊爐，因啲蝦好大隻，個頭好大，反正如果成隻蝦，用來打邊爐，大家怕膽固醇都不吃，咁不如留番啲蝦頭，琴晩煮蝦湯。

啲蝦頭洗淨、索乾水，切記索乾水，放入保鮮袋，放冰格可放一星期。

材料：蝦頭、一份小蝦（通常街市一份份賣$20一份）、洋蔥、茄糕、、雞湯、忌廉

做法：

1 用高溫大火炒蝦頭和小蝦，加牛油和酒炒香，加雞湯，煮二十分鐘

2 格去蝦頭、小蝦，餘下蝦湯

3 炒香洋蔥，加茄糕，煮勻，加蝦湯，煲十分鐘

4 熄火，用攪拌器打勻洋蔥和湯

5 調味，再大火滾起，打開蓋煮到湯濃

6加忌廉，熄火！

7 將小蝦既肉拆出來，放在湯碗內，加入湯便可。

煮完蝦湯既蝦頭也可食用，而小蝦肉又拆出來放湯中，沒有浪費呢！