新生活

由九月份起，我開始做運，起初是去對面公園慢行，行了幾次，不錯架！不過，仲係幾熱，我估下個月涼多些，會更舒服！

之後，又打了幾次羽毛球，而家啲女大唒，真係多了很多自己時間，可以約下朋友一起打下，

而且，有時和兩個女一齊打，也不錯！

由於，查生 join 了做 gym，不斷叫我一齊去，最後都 join 了，而且我有時間，做得比佢密，已經個幾月了，每星期二、至三次，都幾勤力架！

其實，我一直都不愛運動，不過，年紀不少了，為健康著想，都係時候要做下運動，又可以 keep 到 fit，也不錯！而且，時間多了，去消磨下又一天呢！

新的生活，既充實，也健康！