迷網期

終於食完兩星期的藥，情緒的確沒有那麽焦慮，但整個人像沉於一個迷網期，心情仍然抑悶。

琴晚，和幾個中學同學吃飯，其中一個和我一樣有焦慮症，不過佢已經好番，停了藥一年，臨走時先講起我最近的情况，她極之明白我的感受，她說一定會有這些波動的日子，唔洗灰心，好多謝佢的鼓勵。和她傾訴，有啲野唔洗講都明，可能是同路人嘛！

佢話這一年 ( 停藥後) 都有反覆，只係佢信了主，佢無迫我信，只係提意，其實我由細都大，都有好多基督徒在身邊(屋企都有一個啦！)，但一直都好抗拒，我五個最好的中學同學，全部都是教徒(琴日嗰個都信了)。

我記得我有病入院那一次，出院那天，情緒很差，我曾經呼喚過主，看看他可唔可以幫我，結果我感受不到，所以放棄了。我覺得信唔信都要講緣份，我唔想當信仰係水泡，琴晚，我再一次呼喚主，我祈禱了，不過都好似無反應喎，可能大家都未 ready 啦！我係一個好怕比人迫的人，一切都要睇緣份。

在這個迷網期，唯一要先做的，是專心考好個試。