終於到咗年初七，當日嘅氣温明顯上升了，天色亦較光，比起前幾天嘅陰暗好得多。
我地兩點半喺西貢集合，每人分配好要攞嘅物品，就出發去灣仔半島。
大大細細都要幫手攞嘢，我地要先搭半個鐘巴士，再搭十五分鐘船。
到咗喇！荒山野嶺，有一片大草地。
先聽 Mac 哥哥 (導遊)講解一些露營要注意嘅事項。
跟住就學紥營。
小朋友都有参與學紥營。
之後大家就各自紥營。
兩姊妹加埋 Tanya 一個營。
三個女仔夾手夾腳紥起個營。
嘩！終於攪掂哂！
紥好營後，各人休息一吓，細路打吓羽毛球，跳吓橡根繩。
五點幾準備晚餐喇！
家姐幫手洗菜。
Mac 哥哥講解如何用啲爐具。
因為係親子團，小朋友都要參與準備晚餐嘅活動，一齊包餃子。
當晚嘅晚餐 ，Mac 哥哥準備了通粉、餃子和菜，而我地自己都預傋咗肥牛、丸呀，打邊爐一樣，之後仲有 湯丸比啲小朋友包。
食完湯丸後，都係九點幾，週圍已經漆黑一片，咩都睇唔到，唯一嘅活動，就只有去廁所洗吓嘢，雖然係短短嘅幾分鐘路程，但因為太黑，都好似探險一樣。每次都一大班人一齊去，驚有牛和狗。
大約十一點，已經無嘢好做，大家入營瞓了。整晚都聽到狗聲，又驚有牛，成晚都無覺好瞓，心裡只係不斷希望快啲天光！
好不容易等到六點喇！朝早啲牛出來活動，啲細路對隻牛好有興趣喎！
又係時侯煮早餐喇！
每個細路都可以自己煎一隻蛋。
家姐嘅製成品。
到阿妹喇！
妹妹嘅製成品。
開餐喇！
呢條就係去廁所嘅小路。
牛史一堆
食完早餐，放吓風箏。
最後，就係做孔明燈嘅時候，坐定定聽 Mac 哥哥講解。
之後就分組做。
人肉孔明燈。
整好喇！
放得喇！
玩完孔明燈，是時候拆營了，大家又分工合作了。
收拾行裝，就行去搭船，出番西貢市，結束今次嘅露營團了！
今次嘅露營，真係好似係主嘅安排，感謝主！令天氣回暖，使我地能如期出發。
今次比班細路有個好好嘅經歷，留給佢地一個美好嘅回憶，不過對我地大人來講，一次就夠喇，下次都係去室內好啲。
不過又係嗰句，呢班細路，去邊都好玩啦！
P.S: 今次主真係比咗好多考驗我，先有出發前嘅反覆決定，後有 YBlog 嘅系統問題，我 update 咗三日，先攪掂哂全文喳！
