農曆新年假期回顧 - 2010 (年初一至五)

過年如過日，話 O甘快農曆新年假期又完了！今年我好懶，除了照舊整蘿蔔糕外，其他都無什麼準備，加上年尾天氣好熱 ( 二十幾度)，一啲都感受唔到新年氣氛，點想到新年其間，凍到飛起！

年三十晚，食完團年飯，無去行花市 ，喺屋企包利是，準備吓全盒。

兩姊妹幫手入利是。

年初一，如舊早上到嫲嫲家拜年，之後就去婆婆家食晚飯，飯前例牌賭吓話事 pair ，今年我都有落場賭，羸咗幾十，發咗新年財。

年初二，兩姊妹唔喺屋企 ( 跟婆婆去拜年)，天氣開始凍，加上落雨，陰陰寒寒，成日同查生嚮屋企煲戲，佢番睇 " 海角七号"，我睇我追緊嘅 " 下一站幸福 "，煲到四點先出發去姨婆家拜年。食完晚飯，約咗契爺、契媽、Aple 姐姐唱 K，兩姊妹唱得好開心。

年初三，天氣仍然寒冷，家姐玩咗兩日，又係時候要開工喇！十八樣功課等住佢，爸爸就帶阿妹去拜年，夜晚， 阿 Mo 姨姨、Cat 姨姨等來屋企拜年加打邊爐。

初四、初五，天氣一日比一日凍，凍到咩都唔想做，家姐兩日都好慘地繼續做功課，而我地初五帶咗阿妹睇 " 波西傑克森----神火之賊" ，阿家姐話驚，寧願喺屋企做功課喎！夜晚因為太凍，又打邊爐。