小甜甜

今日終於比我喺大眾見番套"小甜甜" DVD，話說幾個月前，有日行大眾，見到有套 "小甜甜" DVD買，但買到成五佰幾一套，覺得好貴，無買到，之後番屋企又囉囉攣，幾日後番去買，已經無咗，跟住呢幾個月，得閒又去望吓，等來等去都見唔番，終於，今日比我等到，同上次果套有啲唔同，平啲 ( 四佰幾)，但封面同包裝仲靚啲，唔洗講即刻買。

我細個時，最有印象和最鍾意嘅卡通片，就係 "小甜甜"，成日想電視重播 ，但又唔知點解，硬係唔重播，等咗好多年都無，今日，終於擁有一套喇，可以睇幾多次都得。

除咗呢套 DVD，我仲有套珍藏漫畫添！