忐忑嘅年初六 -2010

年初六，天氣進一步寒冷，早上市區得七度，我係一個好鍾意凍嘅人，但呢幾日 O甘凍，我卻無哂 mood，可能因為擔心初七嘅露營，當日下午都係得九度，但天文台預測初七晚有十三度，報咗嘅露營唔會取消 ( 十二度或以下會取消退錢，可惜偏偏十三度)，由中午十二點開始，就不停在講電話，聯絡大家，結果其實大家都唔想去 ( 因為實在太凍)，最後提意聯絡那邊，試吓要求取消，睇吓收幾多 cancellation charge，如果 20% ，都會退錢算數，等到四點左右，那邊回覆要收 50%，又再逐一聯絡，由於 cancellation charge 太貴，結果決定如期出發，終於整個下午，都在打電話和出 email 中渡過，大家亦四出買保暖物品，迎接明天。夜晚出去食飯，仍然覺得外面好凍，整晚心情忐忑不安，只好盡量準備多些保暖衣物帶去 。

其實今次發起攪露營嘅我，都係為咗啲細路，想佢地有啲體驗，先會有 O甘大突破，提出去露營，對我來講，要係户外露營過一晚，最怕動物嘅我，係要有好大嘅勇氣，所以報完名後，都有啲後悔，後來以為太凍唔洗去，點之十三度又取消唔到，唔通今次真係神嘅安排 ......