小六生血淚史 - 望信箱的日子

踏入三月，每天都開信箱，check 吓有沒有收到信，可惜直至今日都未收到，其實我地預咗協恩無 second in，而家盼望嘅都係伊沙啫，最怕係連 interview 嘅機會都無，自行分配呢個階段，就失敗了！

其實呢種等信，望信箱嘅日子，真係好折磨我地啲家長，呢排開始同阿女準備温習，考月尾最後一次嘅呈分試，已經頭痛，仲要日日等待，真係難頂！

不過，前日日本大地震，都比了我一些反思，人生有太多未知，一瞬間可以咩都無哂，讀邊間學校，神自有安排！