簡易食譜-白汁意粉

妹妹今個星期考呈分試，呢幾日十一点幾就返到屋企，以往考試早放，午餐都是出街食，但樓下啲食市，食得多都厭，所以今次打算自己煮午餐比佢食，要諗啲方便又易煮既食物。琴日，整了一個用罐頭什煮既意粉，又幾好味喎！

之前行超市，已經見到呢個卡邦尼磨菇汁，一直都想試！以前未學西餐時，煮意粉多數用磨菇湯做白汁，不過味道通常一般，但自從學了西餐，就會自己煮白汁，但就比較麻煩！呢個卡邦尼磨菇汁，雖然始中冇自己煮白汁咁好，但如果要方便快捷，呢個汁係一個幾好選擇。

二人份量
材料:
一個洋葱
四片煙肉
意粉
一罐卡邦尼磨菇汁

做法:
煮熟意粉備用
將洋葱、煙肉切粒，先炒香煙肉、洋葱，下意粉，略炒，再落磨菇汁兜混，調味 ( 可加少許黑椒，要試味，因磨菇汁已有味，未必要落鹽)