曼谷之旅- 2012 - 酒店篇

原先，諗住訂返上次和Eva,Kenny來那間，但因今次和契爺、契媽來，佢地想有些 resort feel , 但我地又唔想太僻，呢間酒店 fit 唒我地既要求！

今次住既酒店叫 Siam Kempinski Bangkok, 位於 Siam BT 站側，在Siam Paragon 商場後面，從酒店側門行過呢條小馬路，十秒就到商場後面，方便到不得了！

這酒店很新，全間酒店感覺很好， 房間感覺好舒服。

因為臨近聖誕，酒店週圍都佈置得好有氣氛。

泳池雖然唔係好大，但好有 resort feel, 完全唔覺自己身在曼谷市中心！

由於位於Siam 巿中心，去邊撘 BT 都勁方便，去 shopping 、食野、按腳，行過去就可以，買完嘢，行過去放返上房又得，超正！

另想講下呢度既餐廳，雖然我地冇在酒店食午、晚餐，但每天早餐都在酒店食，原來其中一間餐廳是入選米之蓮，我地最尾個日先來這間，頭兩天去了另一間，不過食既嘢一樣！ 雖然在曼谷酒店食早餐 buffet , 其實間間都好好，但呢間酒店早餐，不是全 buffet ,一坐底，侍應會比個Menu ，選 main course 和 side dish , 除了一船煎蛋、炒蛋，還有特別既 Benedict , 叫完 main course 後，仲可以出去攞其他食物。

我地個 package , 包每人一位 afternoon set , 因我地夜機走，所以我地 plan 了 last day ， check out 後先食，食完就剛好撘車去機場。 一人一 set ，好多呀！



最後驚食唔唒，叫佢地比少一 set ,不過最後五 set 都食唔唒，但見咁正，大家叫我打包返香港，比兩姊妹做早餐。

 
總括來講，呢間酒店好正，方便得來，又有 resort feel , 而且不算太貴，值得推介！