2012年回顧

2012 年，既然沒有末日，咁就要繼續下去！感恩，呢年平平靜靜，無風無浪!

家姐踏入中二，比升中一時成熟了，自律了，我已經沒有跟她任何功課，學業上所有時，佢自己攪掂，我亦落得清靜，專心一意照顧妹妹既功課，妹妹今年六年班，要面對升中選校，不過有了家姐之前既經驗，今次都冇咁緊張，只係好好督促妹妹讀書，盡力考好呈分試，幸好第二次呈分試考得唔錯，只要繼續努力考埋三月嗰次，應該冇問題！
 
2012，去了兩次外遊，八月暑期，一家四口去了台灣，趁兩個女仲肯跟我地去旅行，來緊都會安排多些！另十二月，剛和契爺、契媽、Kenny 、Eva ，一行六人去了泰國，一班老友去旅行，梗 happy 啦！
 
2013 ，新既一年，只希望平平安安，一家人健健康康，已經係我這個C9既最大願望！
 
祝大家新年快樂，身體健康！