上次來三天，按足三日，今次又係四日，日日按，不過，SPA 就做了一次。今次再去Asia Herb ，本來想試新，但好多度都 book 唔到，可能而家係泰國旅遊旺季吧！
Asia Herb , 之前都來過幾次，今次去另一間分店，做了三個鐘，都係1400 銖，超抵！
原本第三日，訂了另一間再做SPA , 不過後來掛住敗家，冇去到！另外在曼谷按腳，都好正好抵，所以每次來都差距不多，晩晚按。呢間在 Sukhumvit既，就超掂，上次住呢頭發現，呢度既四手，好正！今次，行完半日街來，超累，按摩完勁舒服！
而在我地酒店附近，有一間按腳都幾好，只係第一晚，按埋身麻麻地，所以，最後一天再來，只選擇按腳。 根據多次來曼谷既經驗，去做SPA 既地方，就不要做腳底按摩，始中不及街邊地道既按摩店，在做SPA 既地方，都係集中做推油、全身按摩比較好，而地道街邊店，做腳底按摩就最正！ 尤其，行完街一大天，去做腳底按摩就一流！
至於外食，今次去之前，冇咩做 planing , 諗住去到邊食到邊，除了一心來試法國菜，其他兩餐睌餐，都是隨便入一間泰國餐廳食。 第一晩，行過酒店對面既Siam Paragon ，選了一間坐滿人既餐廳，始中覺得人多食，比較安心，應該唔會i差得去邊。 味道唔錯，不過份量比較少，價錢唔算貴，亦唔算平，港幣伯幾一位。
第二晩，喺Asia Herb ，做完SPA ，行過一間餐廳，由於大家太餓，因冇食早餐，所以大家見間嘢外表唔錯，就即入。 因為太早，六點未夠，我地係第一輪客。 入到去先知間餐廳叫黃炎泉。 呢餐實在有驚喜，佢地既炸物超正，尤其這個椒鹽尤魚，勁好味！ 但因我地睇錯價錢，以為隻蟹好抵，前後叫了兩隻，點知埋單先知，每人差不多要二佰五港幣，不過，啲嘢食都好正，冇所謂啦！
最後一晚，就訂了我想去試好耐既法國菜，呢間餐廳叫 C'est Bon ，之前喺香港青衣城都有間，食過兩次，不過而家執咗喇！之前聽人講話泰國抵食啲，九道菜賣 1200 銖，不過而家紙水高，對番同喺香港食差唔多。 餐廳地點位於 Inter-Continental Hotel 後面，撘 BT 喺 Chit Lom 站下車, 行過去，都幾方便！ 我覺得味道，呢度做得比香港好，不過又不是有好驚喜嗰種，試一次可以，但未必會再來！
由於，酒店包既早餐好正，基本上我地都冇特別再食午餐。 第三日，我都在 Siam Paragon shopping , 行到累到 foot court 坐下，食到呢個粉，好好味，於是最後嗰天，再來吃多次！
總結，在曼谷食嘢，基本上普通一間餐廳，都會唔錯！
沒有留言:
張貼留言