年廿八，蒸糕日

今日一口氣，蒸了九斤蘿蔔，共四底蘿蔔糕，仍然用番舊既做法，我始終覺得，呢個做法最易又好味！

有些人喜愛加冬菇，但有時加了冬菇好易變酸，又唔可以放得耐，所以我冇用呢！

食譜重溫:

材料
蘿蔔    約三斤

粘米粉    300 克

臘腸   4-5條
蝦米    適量

紅葱頭    少許

做法:


蘿蔔洗淨，一半刨絲，一半切條

臘腸切粒備用。
先落油和麻油，用紅葱頭起鑊，下蝦米炒香，

加臘腸和蘿蔔一起炒，下少許洒和少許糖，蘿蔔要煮至熟透。

熄火，調味(胡椒粉 一湯匙 ，雞粉  少許，鹽  少許)，然後下粘米粉，如水少，可加少許史雲生清雞湯，攪勻。

搽少許油在蒸盤上，放糕入盤，蒸四十五分鐘，完成後加芝麻在面便成。

過年如過日

每年年尾總係好忙，不是辨年貨、大掃除，就是整頭髪、做 facial, 整手甲、整蘿蔔糕等，不過今年就好似有啲不同，仲有一星期就過年，我除了逐步清潔了屋企，整了頭髮，還要蒸糕外，其他咩都未做，亦都不打算做了！

其實，農曆新年假期，也只是得三天，和平時一個 long weekend 差不多，好快過！

我覺得準備聖誕節，仲多野做，而且聖誕加新年假期，橫跨了一星期，比農曆新年仲長呢？聖誕大把派對，但農曆新年假期，除了指定幾處拜年，基本上都是食和瞓，十分悠閒！

近年我既心態也轉了，都係抱著過年如過日，所有事和平時一樣就得，唔洗攪到自己那麼忙！

High Tea @Mango Tree

今日去咗一間泰式餐廳食 high tea, Mango Tree , 位於圓方，之前聽人話幾好，咁今日約了 Eva 去試下！

環境好好，可能位於商場僻靜一角，又或者冇咩人會去泰國餐廳 high tea 啦！所以冇咩人。

High tea 分 delight 和 deluxe , 我地選了 deluxe

呢杯荔枝 mock tail , 好清新，

Eva  既波蘿特飲，佢話也好好飲！

嘩！燒河蝦，好正！

所有都好正、好好味，連甜品既椰汁西米糕，又滑又香！

 

我好like 呢種 high tea , 不會像平日西式的那麼肥膩，咸點比較多，當午餐也非常不錯呢！

大掃除 - 鞋櫃

仲有三個星期就過年，今日趁天氣乾爽又不冷，冷就會冇心機，清潔了鞋櫃。把鞋全部拿出來時，就會發覺有些鞋是很少穿，甚至成年都冇穿過，於是趁機大整理一番，一輪選擇，今年特別狠，因為四個人得一個鞋櫃，係要咁做先夠！

今年，下定決心，買野要審慎些，無論衫、褲，鞋、書和其他野，唔想再浪費金錢和收納地方，想生活簡單啲，冇咁多雜物，希望做得到啦！

Haha ，一刀切下既鞋櫃，還有空間呢！

粟米湯

跟黄淑儀個節目，昨天整粟米湯，今次不需麵撈，冇牛油、忌廉，健康好多呢！

冇麵撈就用薯仔，令到個湯creamy!

材料:
新鲜粟米，洋蔥，薯仔

做法:
1 先將薯仔切粒，放在熱水，之後放入微波爐丁5分鐘

2 用少許牛油炒香洋蔥，之後加粟米粒一齊炒，留起一些粟米粒後用

3 煲滾水，加入薯仔、炒香既洋蔥、粟米粒，煲十五分鐘

4 之後，熄火，用攪拌器打湯料，放餘下粟米粒，再煲5分鐘，調味，即成！

  

金必多湯

記得以前聖誕節，出去食聖誕餐，總有一個金必多湯，所以呢個湯好有聖誕氣氛！

材料：

急凍雞柳煮熟折絲，西芹切絲，甘筍切絲，火腿切絲，細蔥，淡忌廉，鮮奶，雞湯

1 煮麵撈加雞湯變麵糊，之後加入鮮奶和雞柳絲煮30分鐘

2 將（佐料）西芹絲、甘荀絲和火腿絲炒香，待用

3 將湯加胡椒粉、鹽調味，加淡忌廉

4 把佐料放進獨立湯碗，倒進已煮熱的湯，灑上少許細蔥，即成。

粟子濃湯

呢個湯今年做，終於成功了，粟子好岩冬天食！

 

六人份量

材料： 粟子淨肉 300 g ，洋蔥半個切粒，荳蔻少許，鮮忌廉75毫升，
水兩杯，雞湯一杯，干邑酒少許，鹽和黑椒適量

做法：

1 燒熱鑊，下橄欖油炒香洋蔥，灑上荳蔻粉炒至軟身
2 加入清水和雞湯，慢火煮十分鐘，用攪拌器攪溶，之後下麵撈，再煮十分鐘，加調味煮滾，最後加忌廉拌勻熄火便可！

13年聖誕總結

一口氣寫了四個派對，今年既聖誕假期，過得很充實和開心，只係中間病了，有少少遐黏！

其實，我覺得今年聖誕，好有氣氛，一來凍，二來之前又學整聖誕屋，又去買聖誕飾物和禮物，做了好多準備，所以好開心咁期待！

 

 

除了四個 party 外，平安夜，一家四口去了睇風暴，之後去食飯，諗住平安夜，在尖少咀又冇 book 枱，實冇位食飯啦！點知一落樓，見別不斗翁冇人等位，立即有得食，咁就梗係唔諗其他。雖然貴的，但平安夜冇所畏啦！

 

食完飯行出彌敦道，嘩！已經好多人，佢兩姊妹話未試過平安夜行尖東，所以就同佢地行一轉，其實，我都 N 年冇行過喇！

 

 

勁多人！

12月31日大除夕，下午四點，先和妹妹去領獎，佢今年又入圍了，得到優異獎，今年冇設人氣獎，冇得拉票，但仍然有得展出！

之後，約埋家姐在荃灣等，先去食韓燒，我地又睇戲，買了飛睇發夢王大歷險，睇完已經十點半，原來荃灣廣場，有 cool 魔、胡杏兒陪例數，兩個女係都要等，就係咁企了個半鐘。

 

嘩！ cool 魔真係受歡迎，超多人等！

 

就係咁，我地就係睇住 cool 魔一齊迎接2014了！

十幾日假期，話咁快過去了！

14年第一個派對

Last 一個派對在1月1日

 

休息了幾日，精神好了好多，不過， Mo Mo 和 Janet 也好早來幫手！

呢個酥皮雜菌杯，就是Mo Mo 和 Janet 合作既作品。

凍蟹，查生一早買了新鮮兩隻蟹整，超鮮味！

大蝦濃湯

油醋三色椒

法式松露燒春雞 again， 今次拼藍爵薯仔

西班牙海鮮飯

Mo Mo 整既蘿勒開心果墨魚汁意粉，好味兼超易整！

甜品，仲有蕃薯棉花糖批

聖誕夜派對-2013

12 月25日（星期三）

同上年一樣，聖誕正日和一班親戚，在家開派對，今年多了大表姐，好耐冇見喇！

十四人，有老有少，一樣照玩交換禮物！阿妹和表弟，繼續做歡樂小姐和歡樂先生，負責交換禮物這環節！

 

整了金必多湯，一個好有聖誕 feel 既湯，每次都是聖誕先整，我都覺得今次整得不錯！

另外今次整了一個小吃，一口黑椒豬肉乾，好味喎！

第一個聖誕聚會

12月23日（星期一）

今晚係 幾位女仕既聚會，加埋三位少女，全女班。

Menu

粟子濃湯
蟹肉牛油果沙律
菜沙律
法國松露燒雞
西班牙肉腸炒粉仔
外賣壽司
甜品： 焦糖蘋果杯

 

 

法國松露燒雞

記得上年聖誕節時，整粟子濃湯，唔多好，今次終於成功了！呢個湯好適合冬天飲。

薑餅人曲奇

今日，終於有時間清下啲 blog，時光例流去冬至那天，

12月22日（ 星期日）

上次去 Mo 姨姨度，學了整薑餅人曲奇，原來而家可在烘焙店，買一包包現成粉團回來，只要搓和焗就可以，非常方便！

今次，先試一次，我搓粉，焗完後，妹妹主力在曲奇上面畫圖。

 

 

第一次做，啲朱古力筆唔知點解，枝枝都唔溶，好困難先唧出，花了很多時間先完成！

製成品

 

我地包起入盒，送了比我的朋友！

12月27日 （ 星期五）

之前試了一㳄，今次再做一次，準備明天派對送比啲EE ，呢日我病了，基本上全部都是妹妹做，我只負責放入焗爐焗，今次，妹妹上網搵了很多，不同樣既薑餅人，跟著畫。

 

 

妹妹好認真做呀！做得好靚，抵讚！