今日一口氣,蒸了九斤蘿蔔,共四底蘿蔔糕,仍然用番舊既做法,我始終覺得,呢個做法最易又好味!
有些人喜愛加冬菇,但有時加了冬菇好易變酸,又唔可以放得耐,所以我冇用呢!
食譜重溫:
材料
蘿蔔 約三斤
粘米粉 300 克
臘腸 4-5條
蝦米 適量
紅葱頭 少許
做法:
蘿蔔洗淨,一半刨絲,一半切條
臘腸切粒備用。
先落油和麻油,用紅葱頭起鑊,下蝦米炒香,
加臘腸和蘿蔔一起炒,下少許洒和少許糖,蘿蔔要煮至熟透。
熄火,調味(胡椒粉 一湯匙 ,雞粉 少許,鹽 少許),然後下粘米粉,如水少,可加少許史雲生清雞湯,攪勻。
搽少許油在蒸盤上,放糕入盤,蒸四十五分鐘,完成後加芝麻在面便成。
沒有留言:
張貼留言