星星熱

最近，無論聽收音機，睇報紙或者同朋友見面，都係講緊呢套戲！

＂來自星星的你＂，一部韓劇，瘋魔了中、港、台，無論戲入面既劇情、衣服、化粧，甚至食物，都令全部人追捧！

當初，是阿妹睇開先，家姐也跟隨看，後來見好 hit， 身邊朋友都話好睇，咁為了和啲女有話題，就開始看，其實最初看，都覺得好睇，好笑，不過就冇其他人講得咁好，但去到最後幾集，真係幾好睇，多了感人位，但仍不忘一些攪笑，加上傳媒不斷講，日日講，加速了想追的慾望，今晚終於大結局了！好像有點不捨！

昨晚，網上有同步直播，不過只有不太配撘既中文翻譯，我地三母女都要看，死未！

套戲除了好睇，啲歌我都好鍾意，而家無論著衫、化粧、食野，都愛韓風，哈哈，變了哈韓族添！

酥脆香草焗羊架

呢味羊真是超正，又易整! 多謝 Blogger Sally 既分享，食譜 from 佢個 blog -
Sally 's kitchen & Bakery


http://www.sallykitchenbakery.blogspot.hk/2013/11/herb-crusted-rack-of-lamb.html#more

材料:

羊架      約2.5磅
鹽          適量
黑胡椒  適量
黃芥末  約2湯匙

香草外殼:
新鮮薄荷葉       數十片
百里香Thyme(乾)     2茶匙
迷迭香Rosemary(乾)  2茶匙
什香草Mixed Herbs(乾)  2茶匙
巴馬臣碎芝士       4湯匙
橄欖油         1湯匙
麵包糠         6-7湯匙

香草外殼，可以用新鮮或者乾既。

 做法:
1. 焗爐預熱180度。

2. 羊架要預先從雪櫃取出放室溫約1小時，洗淨，抹乾，用適量鹽及黑胡椒醃約10分鐘。

3. 然後做香草外殼: 洗淨薄荷葉，放入攪伴機，加入所有乾香草，芝士碎及橄欖油，開機略打碎，不要攪太耐，否則會變汁。然後才加入麵包糠打勻, 備用。

4. 起鑊下油, 大火至油熱， 把羊架煎封至金黃色(約3分鐘)。

5. 入180度焗爐焗10分鐘。

6. 取出羊架趁熱掃上黃芥末。

7. 掃上芥末後再輕輕平均壓上香草外殼，再放入焗爐焗約15分鐘(約5-6成熟)。

    <如果要熟一點7-8成熟, 要焗20-25分鐘>

8. 焗完後取出羊架放室溫休息約10-15分鐘，讓羊架鬆弛，肉汁收乾，吃時不出血水。

9. 上碟切件，即成。

第一次做已經成功了，我估以後一定經常會整呢個呢!

 

第一次的 私房菜

星期六，做了一次十四人既私房菜，係查生的大學同學。

今次第一次以私房菜方式出菜，一道一道咁出，同平時派對做開既，有啲不同！

平時派對，可能有些朋友幫下手，切下嘢洗下嘢，而今次係查生既朋友，所以，咩嘢都由我自己一個做，所以係一個挑戰！

為了這餐，前幾天已準備！買了花，作了些簡單佈置！

今次整了 formal 啲既 Menu ，不過居然打少了個磨菇湯呀！

先來個芝士盤、意大利蕃茄醬拼法包，油醋沙律做前菜。

個紅酒燉牛肉，今次係用 Julie and Julia 傳統方法整，前一日整定！不過，我覺得出來結果，和平時做法既都差不多！

白酒煮青口

今次，最成功是個羊，真係易做又超正，跟 blogger Sally 既方法整。

酥脆香草焗羊架

法國松露燒春鷄

西班牙海鮮飯

其實，一個人煮一個人洗，真係幾吃力，不過，見到大家喜歡食，我都好開心！但如果真係當私房菜是生意，就實頂唔順呢！

一週生日飯回顧

上星期食了很多餐生日飯，不過由於某事影響了心情！

好多謝大家對我既愛，除了請我食飯，仲要聽我呻！

週一晚，好朋友帶我去食韓燒，呢排超 like 韓風，呢度好正統，好似去了首爾，正！

@Mr. Korea BBQ

週二晚，食泰菜，原本約了星期四，大家因我既事相就即改了當晚，好豐富既一餐！

@金坊

週三正日，查生 book 了食意大利菜，不過當晚因突發事，影響了我倆既心情，其實呢度不錯架，氣氛和食物都很好，唉！但始終心情不好，可惜！

週四中午，其實一早約了大少奶和Amy, 但大少奶當日身體不適，最後冇出，只有 Amy 出來聽我呻了一餐飯，多謝唒！

週五，情人節加元宵，十九年一次，約了一班中學同學上來，原先我煮西餐架，但真係冇咩心情又凍，於是改了打邊爐。

當晚真係穫益良多，多謝好姊妹既聆聽和分享，我和查生得著不少！

寒冬

對上既一星期，香港非常寒冷，每天日間都只是八度，晨早夜晚更凍，六至七度，我講緊既係市區氣溫，新界地方氣溫更加低！

我本人一向都喜歡這種陰寒天氣，但上星期，我一啲都不享受！

世事往往係唔到你預料，原本上星期，是我生日週，很多朋友和我食飯慶祝，本應也是非常開心，點知突發既事情，影響了心情！最初，以為所有約會都有可能要改期，後來好感恩 ，最後一切照舊！

只是在我生日那天，發生的事情，我經歷一個很糟糕的生日，心情差透了！

一個解決不到既問題，但現實始終要面對，今次我選擇正面對待和正視，幸好，一班朋友既開解和安慰，再加上一些非常適切既分析和意見，真的十分感恩，我們倆像找到一些出路！

聽講星期三又凍了！天氣凍，不過希望心情不要再冷下去了！

The Market

每年年廿八晚，我地都會和公公、婆婆出街食飯，當團年兼慶祝生日，我年廿八舊曆生日呢！今年特別啲，年廿八晚照團年，不過在家吃，年廿九中午，先去食 lunch buffet 慶祝生日。

The Market , 我之前來過，我覺得幾多熱嘢食，岩唒公公，而價錢亦合理，$288 +10% ，所以要早成個月 book。

 

年廿九來，好有氣氛！

 

呢度環境唔錯，好有度假 feel !

 

 

 

 

查生最 like 蟹腳，佢食了兩碟！

 

呢個雞湯好正，我地每人都飲了好幾碗！

 

呢度主打既榴槤雪糕

 

整體來講，我覺得呢度真係不錯，會再來的！

2014 農曆新年

之前都講過，今年對於迎接農曆新年，都比較平常心，冇咩刻意準備，估唔到今年這個假期，過得特別 hea 呢！

年三十，今年較特別回沙田做節，和嫲嫲吃完團年飯後，因比較早，決定去行花市，其實好多年冇三十行花市了，我地去了荃灣，時間尚早，不是太多人，加上今年天氣好溫暖又好天，行得幾舒服，約埋契爺、契媽一齊行。

 

買了可愛咕臣

年初一，早上如常去嫲嫲家拜年，之後去新城市食 lunch, 中間回家 hea 下，夜晚去婆婆家吃飯。

 

年初二，中午和爺爺飲茶拜年，之後去表姨媽家拜年，晚上去姨婆家吃飯，食完飯，我地買了飛睇戲！

年初三，日頭全日在家 hea , 夜晚如常 TI 同學仔來團拜打邊爐。

 

年初四，中午和契爺、契媽飲茶，之後又係在家 hea 

年初五，查生返工喇，今年冇多放假，兩姊妹雖未返學，但都只是在家做功課，繼續 hea！

其實，今年農曆新年假期，毎日天氣都好好，又和暖又好陽光，好多朋友都去了戶外活動，唔係行山就踏單車！唉！不過，家姐年初一晚整親隻腳，阿妹又咳，所以都冇週圍去！

反而，下星期生日週，仲忙啲啊！