好在一個人

我一向都好鐘意睇電視煲劇，不過，近幾年香港啲劇，水準真是愈來愈差，好難先遇到一套想追下去，所以，我而家轉了煲韓劇喇！

但我發現TVB, 近排有個節目叫＂好在一個人＂都幾好睇喎！逢星期五晚上七點播出，我呢個時間多數食緊飯，不過我喺my TV 睇番唒呢！

呢個節目是講一個人生活既好處，一個人生活，都可以活得好精彩，三個主持都是單身一族，為觀眾搜羅適合一個人既吃、喝、玩、樂好地方，提升一個人的生活質素和品味！

可能我是獨女，細細個都成日有獨處既機會，所以都習慣了一個人，我成日一個食飯、一個人睇戲、一個人去長洲都試過，其實，一個人有時都幾好，靜靜地又不用就人。

我覺得 TVB 有時呢個時段做既節目，反而有啲驚喜，值得我地去看呢！