西班牙辣肉腸炒瓜子粉

第一次食呢味，係在Rachel果度學煮嘢， Rachel 煮比我地食，一食我就好like！

佢個口感好特別，細細粒似飯多過以意粉，但佢又真係係意粉一種！

迷你瓜子粉，喺一田有得賣

 

 

其實，可襯好多配料，但我覺得配西班牙辣腸最夾！做午餐和party food 都適合。

 

 

做法：

1 先將洋蔥切絲，辣腸切粒，加少許煙肉（切粒）更好味

2 煲水先煮瓜子粉，但不要煮太熟，例如：標籤指示要7分鐘，咁就煮4分鐘，之後隔水備用

3 爆香煙肉，洋蔥、辣腸，加瓜子粉炒勻，加少許鹽、黑椒調味，即成。

簡單、易做、好味！