北海道九日自駕遊之旅-2014-Day 2

7月27日- 第二天

第一個行程，趁有少少陽光，先行去大通公園影相。

之後，行下狸小路和100 yen店。

嘩！100yen 店超正，超多嘢買，加埋稅都係港幣八元啫，買到瘋狂！

午餐訂了位去小樽食，可惜一路下雨，去到小樽大風大雨，其實，來了北海道兩天，天氣都較涼，下埋雨就更冷，得十八度，我地個個短衫短褲，真係冷到牙都震！

今次食蟹和海膽飯





全部人大合照，好熱鬧! 人多去旅行，特別開心!

食完飯，天氣沒有好轉，反而更加惡劣，超大風，好似九號風球咁，橫風橫雨，只是行三分鐘去上車，已經吹到飛起，係真架！吹到阿妹差啲飛起！啲傘反哂，一把都冇得留底！個個成身濕唒！一個好難忘既經歷!

因為天氣太差，根本不能在小樽遊覽，唯有返札幌附近一個 outlet 行街，是日行程就變為 shopping 了！





太凍喇！我和妹都買了風褸，由於午餐很遲先吃，晚餐亦延遲到九點才吃，去食花壽司，好出名架！要等好耐先有位，等位時又去shopping , 今次呢個場，有afternoon tea, 不能再錯過，哈哈！滿載而歸！

等了差不多兩個鐘，有得食喇！

最出色，蟹膏壽司。

雖然夜食飯，但回到酒店，仍有宵夜，不過，今天有水果食，健康啲！