7月30日 - 第五天
今日行程仍在富良野,繼續參觀花田。
早餐set 了7:30食,所以都不能太遲起身。住民宿，食餐時間好有規律，set 了幾点就幾点用餐！夜晚10:30就熄樓下飯廳燈,有規有矩。
是日早餐：
想講講我地間民宿，我地在這裡住了兩晩。
呢間民宿有六間房,四間雙人房,一間四人房和一間三人房,我一家就住了四人房,而其他四間雙人房都比我們訂了,只有一房是其他住客。
屋有兩層,楼下是飯廰、廚房和浴室，樓上是房,每間房有獨立廁所。
有個commom area 在樓上
我地四人房,有一間和室比較大,其他啲房都好细,不過，就好整齊乾淨！
食完早餐，預計九点半才出發，大把時間，週圍影下相。
其實，呢間民宿幾靚,又乾淨，比人感覺幾精緻,但個負責人幾cool, 應該不是日本人,似南亞人士,本來都不是甚麼大問題，只是當日黄昏回來,發生了一件事,令我想black list 佢!
事源係我expect 佢會執房,起碼都來倒垃圾桶啦!因為，夜晚佢地成班來我間和室房,飲酒、吹水、食宵夜，咁有好多垃圾堆了在垃圾桶，咁我地出去時,又好好手尾咁關了冷氣，關了門,結果，焗了一天,我地回來時,一開門,唉!好似腐屍味（因前一晚食尤魚），勁臭,原來佢係唔會執房,唔會倒垃圾，咁!又唔－早講淸楚,如果一早知,我出發時自己攞落樓下掉嘛!而家攪到我間房臭唒!好嬲!
講完激氣嘢,講番行程，今日去了兩個花田。
琴日睇向日葵,今日主力睇薰衣草，不過，可能之前幾日大風大雨,好似開得麻麻地!
比我地發現有得餵草泥馬,原來世上真係有呢種動物，兩姊妹超開心！
之後，去第二個較大既花田,呢個明顯是旅遊景點，好多香港人,呢個花田商業啲,好多小鋪比你買手信。
薰衣草雪糕
喺呢度食午飯，個咖哩飯好味,好過UCC好多!
由於大家都覺得睇了幾個花田,已經差不多了,於是決定更改行程，去超市比我地shopping下！
呢間超市好大!
買完嘢後,去民宿附近既日之出公園,在山頂望番下來,很美呀!
比兩姊妹發現有繩網玩! 超興奮！
是日景點完畢,回民宿了!
準時6:30，民宿晚餐開始，今晚吃魚,不過味道麻地,好在之前在超市買了其他食物加餸！
好早食完飯,今晚玩煙花,在屋外空地玩,因為太黑,影不到相,但拍了很多video, 超好笑!
果晚大家都玩得好開心！
沒有留言:
張貼留言