自家浸梅酒

上年開始試自己浸梅酒，浸了三磅梅，今年收成，點之得兩枝喳！太少了！不過，超、超、超正！

得兩枝，和婆婆一人一枝，只夠自己飲，都不能和好朋友分享！

而家正值青梅當造，今年再整，決定今年浸多啲，買了十二磅梅，兩枝大清酒，兩包單晶糖

其實，做法好簡單，上 Youtube 好多條片教

做法有好多，我地選了最簡單果個：

1 梅買回來，用清水沖洗乾淨，之後逐粒用抹手紙抹乾

2 用竹籤挑走青梅的蒂部

3 然後放在筲箕上風乾一、兩天

4 用竹籤在每顆青梅刺多個孔，放入玻璃瓶內

5 然後一層梅，一層糖，之後注入酒，封好瓶蓋

6 在瓶面貼label,寫上浸的日子，一年後就可飲

今年整多啲，下年就可和朋友一起𣈱飲呢！